UtshovDoha 18
18.1
Chaupai
सुनि प्रभु बचन मगन सब भए। को हम कहाँ बिसरि तन गए।।
एकटक रहे जोरि कर आगे। सकहिं न कछु कहि अति अनुरागे।।
परम प्रेम तिन्ह कर प्रभु देखा। कहा बिबिध बिधि ग्यान बिसेषा।।
प्रभु सन्मुख कछु कहन न पारहिं। पुनि पुनि चरन सरोज निहारहिं।।
तब प्रभु भूषन बसन मगाए। नाना रंग अनूप सुहाए।।
सुग्रीवहि प्रथमहिं पहिराए। बसन भरत निज हाथ बनाए।।
प्रभु प्रेरित लछिमन पहिराए। लंकापति रघुपति मन भाए।।
अंगद बैठ रहा नहिं डोला। प्रीति देखि प्रभु ताहि न बोला।।
Suni prabhu bachan magan sab bhae, ko ham kahan bisari tan gae
Ekatak rahe jori kar age, sakahin na kachhu kahi ati anurage
Param prem tinha kar prabhu dekha, kaha bibidh bidhi gyan bisesha
Prabhu sanmukh kachhu kahan na parahin, puni puni charan saroj niharahin
Tab prabhu bhushan basan magae, nana rang anup suhae
Sugrivahi prathamahin pahirae, basan bharat nij hath banae
Prabhu prerit lachhiman pahirae, lankapati raghupati man bhae
Angad baith raha nahin dola, priti dekhi prabhu tahi na bola
18.2
Doha/soratha
जामवंत नीलादि सब पहिराए रघुनाथ।
हियँ धरि राम रूप सब चले नाइ पद माथ ॥17(क)॥
Jamavant niladi sab pahirae raghunath
Hiyam dhari ram rup sab chale nai pad math, 17(ka)
18.3
Doha/soratha
तब अंगद उठि नाइ सिरु सजल नयन कर जोरि।
अति बिनीत बोलेउ बचन मनहुँ प्रेम रस बोरि ॥17(ख)॥
Tab angad uthi nai siru sajal nayan kar jori
Ati binit boleu bachan manahun prem ras bori, 17(kh)