UtshovDoha 17
17.1
Chaupai
बिसरे गृह सपनेहुँ सुधि नाहीं। जिमि परद्रोह संत मन माही।।
तब रघुपति सब सखा बोलाए। आइ सबन्हि सादर सिरु नाए।।
परम प्रीति समीप बैठारे। भगत सुखद मृदु बचन उचारे।।
तुम्ह अति कीन्ह मोरि सेवकाई। मुख पर केहि बिधि करौं बड़ाई।।
ताते मोहि तुम्ह अति प्रिय लागे। मम हित लागि भवन सुख त्यागे।।
अनुज राज संपति बैदेही। देह गेह परिवार सनेही।।
सब मम प्रिय नहिं तुम्हहि समाना। मृषा न कहउँ मोर यह बाना।।
सब के प्रिय सेवक यह नीती। मोरें अधिक दास पर प्रीती।।
Bisare grih sapanehun sudhi nahin, jimi paradroh sant man mahi
Tab raghupati sab sakha bolae, ai sabanhi sadar siru nae
Param priti samip baithare, bhagat sukhad mridu bachan uchare
Tumha ati kinha mori sevakai, mukh par kehi bidhi karaun barai
Tate mohi tumha ati priy lage, mam hit lagi bhavan sukh tyage
Anuj raj sampati baidehi, deh geh parivar sanehi
Sab mam priy nahin tumhahi samana, mrisha na kahaum mor yah bana
Sab ke priy sevak yah niti, moren adhik das par priti
17.2
Doha/soratha
अब गृह जाहु सखा सब भजेहु मोहि दृढ़ नेम।
सदा सर्बगत सर्बहित जानि करेहु अति प्रेम ॥16॥
Ab grih jahu sakha sab bhajehu mohi drirh nem
Sada sarbagat sarbahit jani karehu ati prem