UtshovDoha 16
16.1
Chaupai
सुनु खगपति यह कथा पावनी। त्रिबिध ताप भव भय दावनी।।
महाराज कर सुभ अभिषेका। सुनत लहहिं नर बिरति बिबेका।।
जे सकाम नर सुनहिं जे गावहिं। सुख संपति नाना बिधि पावहिं।।
सुर दुर्लभ सुख करि जग माहीं। अंतकाल रघुपति पुर जाहीं।।
सुनहिं बिमुक्त बिरत अरु बिषई। लहहिं भगति गति संपति नई।।
खगपति राम कथा मैं बरनी। स्वमति बिलास त्रास दुख हरनी।।
बिरति बिबेक भगति दृढ़ करनी। मोह नदी कहँ सुंदर तरनी।।
नित नव मंगल कौसलपुरी। हरषित रहहिं लोग सब कुरी।।
नित नइ प्रीति राम पद पंकज। सबकें जिन्हहि नमत सिव मुनि अज।।
मंगन बहु प्रकार पहिराए। द्विजन्ह दान नाना बिधि पाए।।
Sunu khagapati yah katha pavani, tribidh tap bhav bhay davani
Maharaj kar subh abhisheka, sunat lahahin nar birati bibeka
Je sakam nar sunahin je gavahin, sukh sampati nana bidhi pavahin
Sur durlabh sukh kari jag mahin, antakal raghupati pur jahin
Sunahin bimukta birat aru bishai, lahahin bhagati gati sampati nai
Khagapati ram katha main barani, svamati bilas tras dukh harani
Birati bibek bhagati drirh karani, moh nadi kaham sundar tarani
Nit nav mangal kausalapuri, harashit rahahin log sab kuri
Nit nai priti ram pad pankaj, sabaken jinhahi namat siv muni aj
Mangan bahu prakar pahirae, dvijanha dan nana bidhi pae
16.2
Doha/soratha
ब्रह्मानंद मगन कपि सब कें प्रभु पद प्रीति।
जात न जाने दिवस तिन्ह गए मास षट बीति ॥15॥
Brahmanand magan kapi sab ken prabhu pad priti
Jat na jane divas tinha gae mas shat biti