UtshovDoha 15
15.1
Chhand
जय राम रमारमनं समनं। भव ताप भयाकुल पाहि जनं।।
अवधेस सुरेस रमेस बिभो। सरनागत मागत पाहि प्रभो ॥1॥
Jay ram ramaramanam samanam, bhav tap bhayakul pahi janam
Avadhes sures rames bibho, saranagat magat pahi prabho
15.2
Chhand
दससीस बिनासन बीस भुजा। कृत दूरि महा महि भूरि रुजा।।
रजनीचर बृंद पतंग रहे। सर पावक तेज प्रचंड दहे ॥2॥
Dasasis binasan bis bhuja, krit duri maha mahi bhuri ruja
Rajanichar brind patang rahe, sar pavak tej prachand dahe
15.3
Chhand
महि मंडल मंडन चारुतरं। धृत सायक चाप निषंग बरं।।
मद मोह महा ममता रजनी। तम पुंज दिवाकर तेज अनी ॥3॥
Mahi mandal mandan charutaram, dhrit sayak chap nishang baram
Mad moh maha mamata rajani, tam punj divakar tej ani
15.4
Chhand
मनजात किरात निपात किए। मृग लोग कुभोग सरेन हिए।।
हति नाथ अनाथनि पाहि हरे। बिषया बन पावँर भूलि परे ॥4॥
Manajat kirat nipat kie, mrig log kubhog saren hie
Hati nath anathani pahi hare, bishaya ban pavanr bhuli pare
15.5
Chhand
बहु रोग बियोगन्हि लोग हए। भवदंघ्रि निरादर के फल ए।।
भव सिंधु अगाध परे नर ते। पद पंकज प्रेम न जे करते ॥5॥
Bahu rog biyoganhi log hae, bhavadanghri niradar ke phal e
Bhav sindhu agadh pare nar te, pad pankaj prem na je karate
15.6
Chhand
अति दीन मलीन दुखी नितहीं। जिन्ह के पद पंकज प्रीति नहीं।।
अवलंब भवंत कथा जिन्ह के।। प्रिय संत अनंत सदा तिन्ह कें ॥6॥
Ati din malin dukhi nitahin, jinha ke pad pankaj priti nahin
Avalamb bhavant katha jinha ke, priy sant anant sada tinha ken
15.7
Chhand
नहिं राग न लोभ न मान मदा।।तिन्ह कें सम बैभव वा बिपदा।।
एहि ते तव सेवक होत मुदा। मुनि त्यागत जोग भरोस सदा ॥7॥
Nahin rag na lobh na man mada, tinha ken sam baibhav va bipada
Ehi te tav sevak hot muda, muni tyagat jog bharos sada
15.8
Chhand
करि प्रेम निरंतर नेम लिएँ। पद पंकज सेवत सुद्ध हिएँ।।
सम मानि निरादर आदरही। सब संत सुखी बिचरंति मही ॥8॥
Kari prem nirantar nem liem, pad pankaj sevat suddha hiem
Sam mani niradar adarahi, sab sant sukhi bicharanti mahi
15.9
Chhand
मुनि मानस पंकज भृंग भजे। रघुबीर महा रनधीर अजे।।
तव नाम जपामि नमामि हरी। भव रोग महागद मान अरी ॥9॥
Muni manas pankaj bhring bhaje, raghubir maha ranadhir aje
Tav nam japami namami hari, bhav rog mahagad man ari
15.10
Chhand
गुन सील कृपा परमायतनं। प्रनमामि निरंतर श्रीरमनं।।
रघुनंद निकंदय द्वंद्वघनं। महिपाल बिलोकय दीन जनं ॥10॥
Gun sil kripa paramayatanam, pranamami nirantar shriramanam
Raghunand nikanday dvandvaghanam, mahipal bilokay din janam
15.11
Doha/soratha
बार बार बर मागउँ हरषि देहु श्रीरंग।
पद सरोज अनपायनी भगति सदा सतसंग ॥14(क)॥
Bar bar bar magaum harashi dehu shrirang
Pad saroj anapayani bhagati sada satasang, 14(ka)
15.12
Doha/soratha
बरनि उमापति राम गुन हरषि गए कैलास।
तब प्रभु कपिन्ह दिवाए सब बिधि सुखप्रद बास ॥14(ख)॥
Barani umapati ram gun harashi gae kailas
Tab prabhu kapinha divae sab bidhi sukhaprad bas, 14(kh)