UtshovDoha 14
14.1
Chhand
जय सगुन निर्गुन रूप रूप अनूप भूप सिरोमने।
दसकंधरादि प्रचंड निसिचर प्रबल खल भुज बल हने।।
अवतार नर संसार भार बिभंजि दारुन दुख दहे।
जय प्रनतपाल दयाल प्रभु संजुक्त सक्ति नमामहे ॥1॥
Jay sagun nirgun rup rup anup bhup siromane
Dasakandharadi prachand nisichar prabal khal bhuj bal hane
Avatar nar sansar bhar bibhanji darun dukh dahe
Jay pranatapal dayal prabhu sanjukta sakti namamahe
14.2
Chhand
तव बिषम माया बस सुरासुर नाग नर अग जग हरे।
भव पंथ भ्रमत अमित दिवस निसि काल कर्म गुननि भरे।।
जे नाथ करि करुना बिलोके त्रिबिधि दुख ते निर्बहे।
भव खेद छेदन दच्छ हम कहुँ रच्छ राम नमामहे ॥2॥
Tav bisham maya bas surasur nag nar ag jag hare
Bhav panth bhramat amit divas nisi kal karma gunani bhare
Je nath kari karuna biloke tribidhi dukh te nirbahe
Bhav khed chhedan dachchha ham kahun rachchha ram namamahe
14.3
Chhand
जे ग्यान मान बिमत्त तव भव हरनि भक्ति न आदरी।
ते पाइ सुर दुर्लभ पदादपि परत हम देखत हरी।।
बिस्वास करि सब आस परिहरि दास तव जे होइ रहे।
जपि नाम तव बिनु श्रम तरहिं भव नाथ सो समरामहे ॥3॥
Je gyan man bimatta tav bhav harani bhakti na adari
Te pai sur durlabh padadapi parat ham dekhat hari
Bisvas kari sab as parihari das tav je hoi rahe
Japi nam tav binu shram tarahin bhav nath so samaramahe
14.4
Chhand
जे चरन सिव अज पूज्य रज सुभ परसि मुनिपतिनी तरी।
नख निर्गता मुनि बंदिता त्रेलोक पावनि सुरसरी।।
ध्वज कुलिस अंकुस कंज जुत बन फिरत कंटक किन लहे।
पद कंज द्वंद मुकुंद राम रमेस नित्य भजामहे ॥4॥
Je charan siv aj pujya raj subh parasi munipatini tari
Nakh nirgata muni bandita trelok pavani surasari
Dhvaj kulis ankus kanj jut ban phirat kantak kin lahe
Pad kanj dvand mukund ram rames nitya bhajamahe
14.5
Chhand
अब्यक्तमूलमनादि तरु त्वच चारि निगमागम भने।
षट कंध साखा पंच बीस अनेक पर्न सुमन घने।।
फल जुगल बिधि कटु मधुर बेलि अकेलि जेहि आश्रित रहे।
पल्लवत फूलत नवल नित संसार बिटप नमामहे ॥5॥
Abyaktamulamanadi taru tvach chari nigamagam bhane
Shat kandh sakha panch bis anek parna suman ghane
Phal jugal bidhi katu madhur beli akeli jehi ashrit rahe
Pallavat phulat naval nit sansar bitap namamahe
14.6
Chhand
जे ब्रह्म अजमद्वैतमनुभवगम्य मनपर ध्यावहीं।
ते कहहुँ जानहुँ नाथ हम तव सगुन जस नित गावहीं।।
करुनायतन प्रभु सदगुनाकर देव यह बर मागहीं।
मन बचन कर्म बिकार तजि तव चरन हम अनुरागहीं ॥6॥
Je brahma ajamadvaitamanubhavagamya manapar dhyavahin
Te kahahun janahun nath ham tav sagun jas nit gavahin
Karunayatan prabhu sadagunakar dev yah bar magahin
Man bachan karma bikar taji tav charan ham anuragahin
14.7
Doha/soratha
सब के देखत बेदन्ह बिनती कीन्हि उदार।
अंतर्धान भए पुनि गए ब्रह्म आगार ॥13(क)॥
Sab ke dekhat bedanha binati kinhi udar
Antardhan bhae puni gae brahma agar, 13(ka)
14.8
Doha/soratha
बैनतेय सुनु संभु तब आए जहँ रघुबीर।
बिनय करत गदगद गिरा पूरित पुलक सरीर ॥13(ख)॥
Bainatey sunu sambhu tab ae jaham raghubir
Binay karat gadagad gira purit pulak sarir, 13(kh)