UtshovDoha 13
13.1
Chaupai
प्रभु बिलोकि मुनि मन अनुरागा। तुरत दिब्य सिंघासन मागा।।
रबि सम तेज सो बरनि न जाई। बैठे राम द्विजन्ह सिरु नाई।।
जनकसुता समेत रघुराई। पेखि प्रहरषे मुनि समुदाई।।
बेद मंत्र तब द्विजन्ह उचारे। नभ सुर मुनि जय जयति पुकारे।।
प्रथम तिलक बसिष्ट मुनि कीन्हा। पुनि सब बिप्रन्ह आयसु दीन्हा।।
सुत बिलोकि हरषीं महतारी। बार बार आरती उतारी।।
बिप्रन्ह दान बिबिध बिधि दीन्हे। जाचक सकल अजाचक कीन्हे।।
सिंघासन पर त्रिभुअन साई। देखि सुरन्ह दुंदुभीं बजाईं।।
Prabhu biloki muni man anuraga, turat dibya singhasan maga
Rabi sam tej so barani na jai, baithe ram dvijanha siru nai
Janakasuta samet raghurai, pekhi praharashe muni samudai
Bed mantra tab dvijanha uchare, nabh sur muni jay jayati pukare
Pratham tilak basishta muni kinha, puni sab bipranha ayasu dinha
Sut biloki harashin mahatari, bar bar arati utari
Bipranha dan bibidh bidhi dinhe, jachak sakal ajachak kinhe
Singhasan par tribhuan sai, dekhi suranha dundubhin bajaim
13.2
Chhand
नभ दुंदुभीं बाजहिं बिपुल गंधर्ब किंनर गावहीं।
नाचहिं अपछरा बृंद परमानंद सुर मुनि पावहीं।।
भरतादि अनुज बिभीषनांगद हनुमदादि समेत ते।
गहें छत्र चामर ब्यजन धनु असि चर्म सक्ति बिराजते ॥1॥
Nabh dundubhin bajahin bipul gandharba kinnar gavahin
Nachahin apachhara brind paramanand sur muni pavahin
Bharatadi anuj bibhishanangad hanumadadi samet te
Gahen chhatra chamar byajan dhanu asi charma sakti birajate
13.3
Chhand
श्री सहित दिनकर बंस बूषन काम बहु छबि सोहई।
नव अंबुधर बर गात अंबर पीत सुर मन मोहई।।
मुकुटांगदादि बिचित्र भूषन अंग अंगन्हि प्रति सजे।
अंभोज नयन बिसाल उर भुज धन्य नर निरखंति जे ॥2॥
Shri sahit dinakar bans bushan kam bahu chhabi sohai
Nav ambudhar bar gat ambar pit sur man mohai
Mukutangadadi bichitra bhushan ang anganhi prati saje
Ambhoj nayan bisal ur bhuj dhanya nar nirakhanti je
13.4
Doha/soratha
वह सोभा समाज सुख कहत न बनइ खगेस।
बरनहिं सारद सेष श्रुति सो रस जान महेस ॥12(क)॥
Vah sobha samaj sukh kahat na banai khages
Baranahin sarad sesh shruti so ras jan mahes, 12(ka)
13.5
Doha/soratha
भिन्न भिन्न अस्तुति करि गए सुर निज निज धाम।
बंदी बेष बेद तब आए जहँ श्रीराम ॥12(ख)॥
Bhinna bhinna astuti kari gae sur nij nij dham
Bandi besh bed tab ae jaham shriram, 12(kh)
13.6
Doha/soratha
प्रभु सर्बग्य कीन्ह अति आदर कृपानिधान।
लखेउ न काहूँ मरम कछु लगे करन गुन गान ॥12(ग)॥
Prabhu sarbagya kinha ati adar kripanidhan
Lakheu na kahun maram kachhu lage karan gun gan, 12(ga)