UtshovDoha 12
12.1
Chaupai
अवधपुरी अति रुचिर बनाई। देवन्ह सुमन बृष्टि झरि लाई।।
राम कहा सेवकन्ह बुलाई। प्रथम सखन्ह अन्हवावहु जाई।।
सुनत बचन जहँ तहँ जन धाए। सुग्रीवादि तुरत अन्हवाए।।
पुनि करुनानिधि भरतु हँकारे। निज कर राम जटा निरुआरे।।
अन्हवाए प्रभु तीनिउ भाई। भगत बछल कृपाल रघुराई।।
भरत भाग्य प्रभु कोमलताई। सेष कोटि सत सकहिं न गाई।।
पुनि निज जटा राम बिबराए। गुर अनुसासन मागि नहाए।।
करि मज्जन प्रभु भूषन साजे। अंग अनंग देखि सत लाजे।।
Avadhapuri ati ruchir banai, devanha suman brishti jhari lai
Ram kaha sevakanha bulai, pratham sakhanha anhavavahu jai
Sunat bachan jaham taham jan dhae, sugrivadi turat anhavae
Puni karunanidhi bharatu hankare, nij kar ram jata niruare
Anhavae prabhu tiniu bhai, bhagat bachhal kripal raghurai
Bharat bhagya prabhu komalatai, sesh koti sat sakahin na gai
Puni nij jata ram bibarae, gur anusasan magi nahae
Kari majjan prabhu bhushan saje, ang anang dekhi sat laje
12.2
Doha/soratha
सासुन्ह सादर जानकिहि मज्जन तुरत कराइ।
दिब्य बसन बर भूषन अँग अँग सजे बनाइ ॥11(क)॥
Sasunha sadar janakihi majjan turat karai
Dibya basan bar bhushan ang ang saje banai, 11(ka)
12.3
Doha/soratha
राम बाम दिसि सोभति रमा रूप गुन खानि।
देखि मातु सब हरषीं जन्म सुफल निज जानि ॥11(ख)॥
Ram bam disi sobhati rama rup gun khani
Dekhi matu sab harashin janma suphal nij jani, 11(kh)
12.4
Doha/soratha
सुनु खगेस तेहि अवसर ब्रह्मा सिव मुनि बृंद।
चढ़ि बिमान आए सब सुर देखन सुखकंद ॥11(ग)॥
Sunu khages tehi avasar brahma siv muni brind
Charhi biman ae sab sur dekhan sukhakand, 11(ga)