UtshovDoha 11
11.1
Chaupai
प्रभु जानी कैकेई लजानी। प्रथम तासु गृह गए भवानी।।
ताहि प्रबोधि बहुत सुख दीन्हा। पुनि निज भवन गवन हरि कीन्हा।।
कृपासिंधु जब मंदिर गए। पुर नर नारि सुखी सब भए।।
गुर बसिष्ट द्विज लिए बुलाई। आजु सुघरी सुदिन समुदाई।।
सब द्विज देहु हरषि अनुसासन। रामचंद्र बैठहिं सिंघासन।।
मुनि बसिष्ट के बचन सुहाए। सुनत सकल बिप्रन्ह अति भाए।।
कहहिं बचन मृदु बिप्र अनेका। जग अभिराम राम अभिषेका।।
अब मुनिबर बिलंब नहिं कीजे। महाराज कहँ तिलक करीजै।।
Prabhu jani kaikei lajani, pratham tasu grih gae bhavani
Tahi prabodhi bahut sukh dinha, puni nij bhavan gavan hari kinha
Kripasindhu jab mandir gae, pur nar nari sukhi sab bhae
Gur basishta dvij lie bulai, aju sughari sudin samudai
Sab dvij dehu harashi anusasan, ramachandra baithahin singhasan
Muni basishta ke bachan suhae, sunat sakal bipranha ati bhae
Kahahin bachan mridu bipra aneka, jag abhiram ram abhisheka
Ab munibar bilamb nahin kije, maharaj kaham tilak karijai
11.2
Doha/soratha
तब मुनि कहेउ सुमंत्र सन सुनत चलेउ हरषाइ।
रथ अनेक बहु बाजि गज तुरत सँवारे जाइ ॥10(क)॥
Tab muni kaheu sumantra san sunat chaleu harashai
Rath anek bahu baji gaj turat sanvare jai, 10(ka)
11.3
Doha/soratha
जहँ तहँ धावन पठइ पुनि मंगल द्रब्य मगाइ।
हरष समेत बसिष्ट पद पुनि सिरु नायउ आइ ॥10(ख)॥
Jaham taham dhavan pathai puni mangal drabya magai
Harash samet basishta pad puni siru nayau ai, 10(kh)