UtshovDoha 10
10.1
Chaupai
कंचन कलस बिचित्र सँवारे। सबहिं धरे सजि निज निज द्वारे।।
बंदनवार पताका केतू। सबन्हि बनाए मंगल हेतू।।
बीथीं सकल सुगंध सिंचाई। गजमनि रचि बहु चौक पुराई।।
नाना भाँति सुमंगल साजे। हरषि नगर निसान बहु बाजे।।
जहँ तहँ नारि निछावर करहीं। देहिं असीस हरष उर भरहीं।।
कंचन थार आरती नाना। जुबती सजें करहिं सुभ गाना।।
करहिं आरती आरतिहर कें। रघुकुल कमल बिपिन दिनकर कें।।
पुर सोभा संपति कल्याना। निगम सेष सारदा बखाना।।
तेउ यह चरित देखि ठगि रहहीं। उमा तासु गुन नर किमि कहहीं।।
Kanchan kalas bichitra sanvare, sabahin dhare saji nij nij dvare
Bandanavar pataka ketu, sabanhi banae mangal hetu
Bithin sakal sugandh sinchai, gajamani rachi bahu chauk purai
Nana bhanti sumangal saje, harashi nagar nisan bahu baje
Jaham taham nari nichhavar karahin, dehin asis harash ur bharahin
Kanchan thar arati nana, jubati sajen karahin subh gana
Karahin arati aratihar ken, raghukul kamal bipin dinakar ken
Pur sobha sampati kalyana, nigam sesh sarada bakhana
Teu yah charit dekhi thagi rahahin, uma tasu gun nar kimi kahahin
10.2
Doha/soratha
नारि कुमुदिनीं अवध सर रघुपति बिरह दिनेस।
अस्त भएँ बिगसत भईं निरखि राम राकेस ॥9(क)॥
Nari kumudinin avadh sar raghupati birah dines
Asta bhaem bigasat bhaim nirakhi ram rakes, 9(ka)
10.3
Doha/soratha
होहिं सगुन सुभ बिबिध बिधि बाजहिं गगन निसान।
पुर नर नारि सनाथ करि भवन चले भगवान ॥9(ख)॥
Hohin sagun subh bibidh bidhi bajahin gagan nisan
Pur nar nari sanath kari bhavan chale bhagavan, 9(kh)