UtshovDoha 20
20.1
Chaupai
भरत अनुज सौमित्र समेता। पठवन चले भगत कृत चेता।।
अंगद हृदयँ प्रेम नहिं थोरा। फिरि फिरि चितव राम कीं ओरा।।
बार बार कर दंड प्रनामा। मन अस रहन कहहिं मोहि रामा।।
राम बिलोकनि बोलनि चलनी। सुमिरि सुमिरि सोचत हँसि मिलनी।।
प्रभु रुख देखि बिनय बहु भाषी। चलेउ हृदयँ पद पंकज राखी।।
अति आदर सब कपि पहुँचाए। भाइन्ह सहित भरत पुनि आए।।
तब सुग्रीव चरन गहि नाना। भाँति बिनय कीन्हे हनुमाना।।
दिन दस करि रघुपति पद सेवा। पुनि तव चरन देखिहउँ देवा।।
पुन्य पुंज तुम्ह पवनकुमारा। सेवहु जाइ कृपा आगारा।।
अस कहि कपि सब चले तुरंता। अंगद कहइ सुनहु हनुमंता।।
Bharat anuj saumitra sameta, pathavan chale bhagat krit cheta
Angad hridayam prem nahin thora, phiri phiri chitav ram kin ora
Bar bar kar dand pranama, man as rahan kahahin mohi rama
Ram bilokani bolani chalani, sumiri sumiri sochat hansi milani
Prabhu rukh dekhi binay bahu bhashi, chaleu hridayam pad pankaj rakhi
Ati adar sab kapi pahunchae, bhainha sahit bharat puni ae
Tab sugriv charan gahi nana, bhanti binay kinhe hanumana
Din das kari raghupati pad seva, puni tav charan dekhihaum deva
Punya punj tumha pavanakumara, sevahu jai kripa agara
As kahi kapi sab chale turanta, angad kahai sunahu hanumanta
20.2
Doha/soratha
कहेहु दंडवत प्रभु सैं तुम्हहि कहउँ कर जोरि।
बार बार रघुनायकहि सुरति कराएहु मोरि ॥19(क)॥
Kahehu dandavat prabhu sain tumhahi kahaum kar jori
Bar bar raghunayakahi surati karaehu mori, 19(ka)
20.3
Doha/soratha
अस कहि चलेउ बालिसुत फिरि आयउ हनुमंत।
तासु प्रीति प्रभु सन कहि मगन भए भगवंत।।!9(ख)।।
कुलिसहु चाहि कठोर अति कोमल कुसुमहु चाहि।
चित्त खगेस राम कर समुझि परइ कहु काहि ॥19(ग)॥
As kahi chaleu balisut phiri ayau hanumant
Tasu priti prabhu san kahi magan bhae bhagavant, !9(kh)
Kulisahu chahi kathor ati komal kusumahu chahi
Chitta khages ram kar samujhi parai kahu kahi, 19(ga)