UtshovDoha 126
126.1
Chaupai
मै कृत्कृत्य भयउँ तव बानी। सुनि रघुबीर भगति रस सानी।।
राम चरन नूतन रति भई। माया जनित बिपति सब गई।।
मोह जलधि बोहित तुम्ह भए। मो कहँ नाथ बिबिध सुख दए।।
मो पहिं होइ न प्रति उपकारा। बंदउँ तव पद बारहिं बारा।।
पूरन काम राम अनुरागी। तुम्ह सम तात न कोउ बड़भागी।।
संत बिटप सरिता गिरि धरनी। पर हित हेतु सबन्ह कै करनी।।
संत हृदय नवनीत समाना। कहा कबिन्ह परि कहै न जाना।।
निज परिताप द्रवइ नवनीता। पर दुख द्रवहिं संत सुपुनीता।।
जीवन जन्म सुफल मम भयऊ। तव प्रसाद संसय सब गयऊ।।
जानेहु सदा मोहि निज किंकर। पुनि पुनि उमा कहइ बिहंगबर।।
Mai kritkritya bhayaum tav bani, suni raghubir bhagati ras sani
Ram charan nutan rati bhai, maya janit bipati sab gai
Moh jaladhi bohit tumha bhae, mo kaham nath bibidh sukh dae
Mo pahin hoi na prati upakara, bandaum tav pad barahin bara
Puran kam ram anuragi, tumha sam tat na kou barabhagi
Sant bitap sarita giri dharani, par hit hetu sabanha kai karani
Sant hriday navanit samana, kaha kabinha pari kahai na jana
Nij paritap dravai navanita, par dukh dravahin sant supunita
Jivan janma suphal mam bhayau, tav prasad sansay sab gayau
Janehu sada mohi nij kinkar, puni puni uma kahai bihangabar
126.2
Doha/soratha
तासु चरन सिरु नाइ करि प्रेम सहित मतिधीर।
गयउ गरुड़ बैकुंठ तब हृदयँ राखि रघुबीर ॥125(क)॥
Tasu charan siru nai kari prem sahit matidhir
Gayau garur baikunth tab hridayam rakhi raghubir, 125(ka)
126.3
Doha/soratha
गिरिजा संत समागम सम न लाभ कछु आन।
बिनु हरि कृपा न होइ सो गावहिं बेद पुरान ॥125(ख)॥
Girija sant samagam sam na labh kachhu an
Binu hari kripa na hoi so gavahin bed puran, 125(kh)