UtshovDoha 125
125.1
Chaupai
सुमिरि राम के गुन गन नाना। पुनि पुनि हरष भुसुंडि सुजाना।।
महिमा निगम नेति करि गाई। अतुलित बल प्रताप प्रभुताई।।
सिव अज पूज्य चरन रघुराई। मो पर कृपा परम मृदुलाई।।
अस सुभाउ कहुँ सुनउँ न देखउँ। केहि खगेस रघुपति सम लेखउँ।।
साधक सिद्ध बिमुक्त उदासी। कबि कोबिद कृतग्य संन्यासी।।
जोगी सूर सुतापस ग्यानी। धर्म निरत पंडित बिग्यानी।।
तरहिं न बिनु सेएँ मम स्वामी। राम नमामि नमामि नमामी।।
सरन गएँ मो से अघ रासी। होहिं सुद्ध नमामि अबिनासी।।
Sumiri ram ke gun gan nana, puni puni harash bhusundi sujana
Mahima nigam neti kari gai, atulit bal pratap prabhutai
Siv aj pujya charan raghurai, mo par kripa param mridulai
As subhau kahun sunaum na dekhaum, kehi khages raghupati sam lekhaum
Sadhak siddha bimukta udasi, kabi kobid kritagya sannyasi
Jogi sur sutapas gyani, dharma nirat pandit bigyani
Tarahin na binu seem mam svami, ram namami namami namami
Saran gaem mo se agh rasi, hohin suddha namami abinasi
125.2
Doha/soratha
जासु नाम भव भेषज हरन घोर त्रय सूल।
सो कृपालु मोहि तो पर सदा रहउ अनुकूल ॥124(क)॥
Jasu nam bhav bheshaj haran ghor tray sul
So kripalu mohi to par sada rahau anukul, 124(ka)
125.3
Doha/soratha
सुनि भुसुंडि के बचन सुभ देखि राम पद नेह।
बोलेउ प्रेम सहित गिरा गरुड़ बिगत संदेह ॥124(ख)॥
Suni bhusundi ke bachan subh dekhi ram pad neh
Boleu prem sahit gira garur bigat sandeh, 124(kh)