UtshovDoha 124
124.1
Shlok
विनिच्श्रितं वदामि ते न अन्यथा वचांसि मे।
हरिं नरा भजन्ति येऽतिदुस्तरं तरन्ति ते ॥122(ग)॥
Vinichshritam vadami te na anyatha vachansi me
Harin nara bhajanti yetidustaram taranti te, 122(ga)
124.2
Chaupai
कहेउँ नाथ हरि चरित अनूपा। ब्यास समास स्वमति अनुरुपा।।
श्रुति सिद्धांत इहइ उरगारी। राम भजिअ सब काज बिसारी।।
प्रभु रघुपति तजि सेइअ काही। मोहि से सठ पर ममता जाही।।
तुम्ह बिग्यानरूप नहिं मोहा। नाथ कीन्हि मो पर अति छोहा।।
पूछिहुँ राम कथा अति पावनि। सुक सनकादि संभु मन भावनि।।
सत संगति दुर्लभ संसारा। निमिष दंड भरि एकउ बारा।।
देखु गरुड़ निज हृदयँ बिचारी। मैं रघुबीर भजन अधिकारी।।
सकुनाधम सब भाँति अपावन। प्रभु मोहि कीन्ह बिदित जग पावन।।
Kaheum nath hari charit anupa, byas samas svamati anurupa
Shruti siddhant ihai uragari, ram bhajia sab kaj bisari
Prabhu raghupati taji seia kahi, mohi se sath par mamata jahi
Tumha bigyanarup nahin moha, nath kinhi mo par ati chhoha
Puchhihun ram katha ati pavani, suk sanakadi sambhu man bhavani
Sat sangati durlabh sansara, nimish dand bhari ekau bara
Dekhu garur nij hridayam bichari, main raghubir bhajan adhikari
Sakunadham sab bhanti apavan, prabhu mohi kinha bidit jag pavan
124.3
Doha/soratha
आजु धन्य मैं धन्य अति जद्यपि सब बिधि हीन।
निज जन जानि राम मोहि संत समागम दीन ॥123(क)॥
Aju dhanya main dhanya ati jadyapi sab bidhi hin
Nij jan jani ram mohi sant samagam din, 123(ka)
124.4
Doha/soratha
नाथ जथामति भाषेउँ राखेउँ नहिं कछु गोइ।
चरित सिंधु रघुनायक थाह कि पावइ कोइ ॥123॥
Nath jathamati bhasheum rakheum nahin kachhu goi
Charit sindhu raghunayak thah ki pavai koi