UtshovDoha 127
127.1
Chaupai
कहेउँ परम पुनीत इतिहासा। सुनत श्रवन छूटहिं भव पासा।।
प्रनत कल्पतरु करुना पुंजा। उपजइ प्रीति राम पद कंजा।।
मन क्रम बचन जनित अघ जाई। सुनहिं जे कथा श्रवन मन लाई।।
तीर्थाटन साधन समुदाई। जोग बिराग ग्यान निपुनाई।।
नाना कर्म धर्म ब्रत दाना। संजम दम जप तप मख नाना।।
भूत दया द्विज गुर सेवकाई। बिद्या बिनय बिबेक बड़ाई।।
जहँ लगि साधन बेद बखानी। सब कर फल हरि भगति भवानी।।
सो रघुनाथ भगति श्रुति गाई। राम कृपाँ काहूँ एक पाई।।
Kaheum param punit itihasa, sunat shravan chhutahin bhav pasa
Pranat kalpataru karuna punja, upajai priti ram pad kanja
Man kram bachan janit agh jai, sunahin je katha shravan man lai
Tirthatan sadhan samudai, jog birag gyan nipunai
Nana karma dharma brat dana, sanjam dam jap tap makh nana
Bhut daya dvij gur sevakai, bidya binay bibek barai
Jaham lagi sadhan bed bakhani, sab kar phal hari bhagati bhavani
So raghunath bhagati shruti gai, ram kripan kahun ek pai
127.2
Doha/soratha
मुनि दुर्लभ हरि भगति नर पावहिं बिनहिं प्रयास।
जे यह कथा निरंतर सुनहिं मानि बिस्वास ॥126॥
Muni durlabh hari bhagati nar pavahin binahin prayas
Je yah katha nirantar sunahin mani bisvas