UtshovDoha 114
114.1
Chaupai
सुनु खगेस नहिं कछु रिषि दूषन। उर प्रेरक रघुबंस बिभूषन।।
कृपासिंधु मुनि मति करि भोरी। लीन्हि प्रेम परिच्छा मोरी।।
मन बच क्रम मोहि निज जन जाना। मुनि मति पुनि फेरी भगवाना।।
रिषि मम महत सीलता देखी। राम चरन बिस्वास बिसेषी।।
अति बिसमय पुनि पुनि पछिताई। सादर मुनि मोहि लीन्ह बोलाई।।
मम परितोष बिबिध बिधि कीन्हा। हरषित राममंत्र तब दीन्हा।।
बालकरूप राम कर ध्याना। कहेउ मोहि मुनि कृपानिधाना।।
सुंदर सुखद मिहि अति भावा। सो प्रथमहिं मैं तुम्हहि सुनावा।।
मुनि मोहि कछुक काल तहँ राखा। रामचरितमानस तब भाषा।।
सादर मोहि यह कथा सुनाई। पुनि बोले मुनि गिरा सुहाई।।
रामचरित सर गुप्त सुहावा। संभु प्रसाद तात मैं पावा।।
तोहि निज भगत राम कर जानी। ताते मैं सब कहेउँ बखानी।।
राम भगति जिन्ह कें उर नाहीं। कबहुँ न तात कहिअ तिन्ह पाहीं।।
मुनि मोहि बिबिध भाँति समुझावा। मैं सप्रेम मुनि पद सिरु नावा।।
निज कर कमल परसि मम सीसा। हरषित आसिष दीन्ह मुनीसा।।
राम भगति अबिरल उर तोरें। बसिहि सदा प्रसाद अब मोरें।।
Sunu khages nahin kachhu rishi dushan, ur prerak raghubans bibhushan
Kripasindhu muni mati kari bhori, linhi prem parichchha mori
Man bach kram mohi nij jan jana, muni mati puni pheri bhagavana
Rishi mam mahat silata dekhi, ram charan bisvas biseshi
Ati bisamay puni puni pachhitai, sadar muni mohi linha bolai
Mam paritosh bibidh bidhi kinha, harashit ramamantra tab dinha
Balakarup ram kar dhyana, kaheu mohi muni kripanidhana
Sundar sukhad mihi ati bhava, so prathamahin main tumhahi sunava
Muni mohi kachhuk kal taham rakha, ramacharitamanas tab bhasha
Sadar mohi yah katha sunai, puni bole muni gira suhai
Ramacharit sar gupta suhava, sambhu prasad tat main pava
Tohi nij bhagat ram kar jani, tate main sab kaheum bakhani
Ram bhagati jinha ken ur nahin, kabahun na tat kahia tinha pahin
Muni mohi bibidh bhanti samujhava, main saprem muni pad siru nava
Nij kar kamal parasi mam sisa, harashit asish dinha munisa
Ram bhagati abiral ur toren, basihi sada prasad ab moren
114.2
Doha/soratha
-सदा राम प्रिय होहु तुम्ह सुभ गुन भवन अमान।
कामरूप इच्धामरन ग्यान बिराग निधान ॥113(क)॥
-Sada ram priy hohu tumha subh gun bhavan aman
Kamarup ichdhamaran gyan birag nidhan, 113(ka)
114.3
Doha/soratha
जेंहिं आश्रम तुम्ह बसब पुनि सुमिरत श्रीभगवंत।
ब्यापिहि तहँ न अबिद्या जोजन एक प्रजंत ॥113(ख)॥
Jenhin ashram tumha basab puni sumirat shribhagavant
Byapihi taham na abidya jojan ek prajant, 113(kh)