UtshovDoha 107
107.1
Chaupai
एक बार गुर लीन्ह बोलाई। मोहि नीति बहु भाँति सिखाई।।
सिव सेवा कर फल सुत सोई। अबिरल भगति राम पद होई।।
रामहि भजहिं तात सिव धाता। नर पावँर कै केतिक बाता।।
जासु चरन अज सिव अनुरागी। तातु द्रोहँ सुख चहसि अभागी।।
हर कहुँ हरि सेवक गुर कहेऊ। सुनि खगनाथ हृदय मम दहेऊ।।
अधम जाति मैं बिद्या पाएँ। भयउँ जथा अहि दूध पिआएँ।।
मानी कुटिल कुभाग्य कुजाती। गुर कर द्रोह करउँ दिनु राती।।
अति दयाल गुर स्वल्प न क्रोधा। पुनि पुनि मोहि सिखाव सुबोधा।।
जेहि ते नीच बड़ाई पावा। सो प्रथमहिं हति ताहि नसावा।।
धूम अनल संभव सुनु भाई। तेहि बुझाव घन पदवी पाई।।
रज मग परी निरादर रहई। सब कर पद प्रहार नित सहई।।
मरुत उड़ाव प्रथम तेहि भरई। पुनि नृप नयन किरीटन्हि परई।।
सुनु खगपति अस समुझि प्रसंगा। बुध नहिं करहिं अधम कर संगा।।
कबि कोबिद गावहिं असि नीती। खल सन कलह न भल नहिं प्रीती।।
उदासीन नित रहिअ गोसाईं। खल परिहरिअ स्वान की नाईं।।
मैं खल हृदयँ कपट कुटिलाई। गुर हित कहइ न मोहि सोहाई।।
Ek bar gur linha bolai, mohi niti bahu bhanti sikhai
Siv seva kar phal sut soi, abiral bhagati ram pad hoi
Ramahi bhajahin tat siv dhata, nar pavanr kai ketik bata
Jasu charan aj siv anuragi, tatu droham sukh chahasi abhagi
Har kahun hari sevak gur kaheu, suni khaganath hriday mam daheu
Adham jati main bidya paem, bhayaum jatha ahi dudh piaem
Mani kutil kubhagya kujati, gur kar droh karaum dinu rati
Ati dayal gur svalpa na krodha, puni puni mohi sikhav subodha
Jehi te nich barai pava, so prathamahin hati tahi nasava
Dhum anal sambhav sunu bhai, tehi bujhav ghan padavi pai
Raj mag pari niradar rahai, sab kar pad prahar nit sahai
Marut urav pratham tehi bharai, puni nrip nayan kiritanhi parai
Sunu khagapati as samujhi prasanga, budh nahin karahin adham kar sanga
Kabi kobid gavahin asi niti, khal san kalah na bhal nahin priti
Udasin nit rahia gosaim, khal pariharia svan ki naim
Main khal hridayam kapat kutilai, gur hit kahai na mohi sohai
107.2
Doha/soratha
एक बार हर मंदिर जपत रहेउँ सिव नाम।
गुर आयउ अभिमान तें उठि नहिं कीन्ह प्रनाम ॥106(क)॥
Ek bar har mandir japat raheum siv nam
Gur ayau abhiman ten uthi nahin kinha pranam, 106(ka)
107.3
Doha/soratha
सो दयाल नहिं कहेउ कछु उर न रोष लवलेस।
अति अघ गुर अपमानता सहि नहिं सके महेस ॥106(ख)॥
So dayal nahin kaheu kachhu ur na rosh lavales
Ati agh gur apamanata sahi nahin sake mahes, 106(kh)