UtshovDoha 108
108.1
Chaupai
मंदिर माझ भई नभ बानी। रे हतभाग्य अग्य अभिमानी।।
जद्यपि तव गुर कें नहिं क्रोधा। अति कृपाल चित सम्यक बोधा।।
तदपि साप सठ दैहउँ तोही। नीति बिरोध सोहाइ न मोही।।
जौं नहिं दंड करौं खल तोरा। भ्रष्ट होइ श्रुतिमारग मोरा।।
जे सठ गुर सन इरिषा करहीं। रौरव नरक कोटि जुग परहीं।।
त्रिजग जोनि पुनि धरहिं सरीरा। अयुत जन्म भरि पावहिं पीरा।।
बैठ रहेसि अजगर इव पापी। सर्प होहि खल मल मति ब्यापी।।
महा बिटप कोटर महुँ जाई।।रहु अधमाधम अधगति पाई।।
Mandir majh bhai nabh bani, re hatabhagya agya abhimani
Jadyapi tav gur ken nahin krodha, ati kripal chit samyak bodha
Tadapi sap sath daihaum tohi, niti birodh sohai na mohi
Jaun nahin dand karaun khal tora, bhrashta hoi shrutimarag mora
Je sath gur san irisha karahin, raurav narak koti jug parahin
Trijag joni puni dharahin sarira, ayut janma bhari pavahin pira
Baith rahesi ajagar iv papi, sarpa hohi khal mal mati byapi
Maha bitap kotar mahun jai, rahu adhamadham adhagati pai
108.2
Doha/soratha
हाहाकार कीन्ह गुर दारुन सुनि सिव साप।।
कंपित मोहि बिलोकि अति उर उपजा परिताप ॥107(क)॥
Hahakar kinha gur darun suni siv sap
Kampit mohi biloki ati ur upaja paritap, 107(ka)
108.3
Doha/soratha
करि दंडवत सप्रेम द्विज सिव सन्मुख कर जोरि।
बिनय करत गदगद स्वर समुझि घोर गति मोरि ॥107(ख)॥
Kari dandavat saprem dvij siv sanmukh kar jori
Binay karat gadagad svar samujhi ghor gati mori, 107(kh)