UtshovDoha 106
106.1
Chaupai
गयउँ उजेनी सुनु उरगारी। दीन मलीन दरिद्र दुखारी।।
गएँ काल कछु संपति पाई। तहँ पुनि करउँ संभु सेवकाई।।
बिप्र एक बैदिक सिव पूजा। करइ सदा तेहि काजु न दूजा।।
परम साधु परमारथ बिंदक। संभु उपासक नहिं हरि निंदक।।
तेहि सेवउँ मैं कपट समेता। द्विज दयाल अति नीति निकेता।।
बाहिज नम्र देखि मोहि साईं। बिप्र पढ़ाव पुत्र की नाईं।।
संभु मंत्र मोहि द्विजबर दीन्हा। सुभ उपदेस बिबिध बिधि कीन्हा।।
जपउँ मंत्र सिव मंदिर जाई। हृदयँ दंभ अहमिति अधिकाई।।
Gayaum ujeni sunu uragari, din malin daridra dukhari
Gaem kal kachhu sampati pai, taham puni karaum sambhu sevakai
Bipra ek baidik siv puja, karai sada tehi kaju na duja
Param sadhu paramarath bindak, sambhu upasak nahin hari nindak
Tehi sevaum main kapat sameta, dvij dayal ati niti niketa
Bahij namra dekhi mohi saim, bipra parhav putra ki naim
Sambhu mantra mohi dvijabar dinha, subh upades bibidh bidhi kinha
Japaum mantra siv mandir jai, hridayam dambh ahamiti adhikai
106.2
Doha/soratha
मैं खल मल संकुल मति नीच जाति बस मोह।
हरि जन द्विज देखें जरउँ करउँ बिष्नु कर द्रोह ॥105(क)॥
Main khal mal sankul mati nich jati bas moh
Hari jan dvij dekhen jaraum karaum bishnu kar droh, 105(ka)
106.3
Doha/soratha
गुर नित मोहि प्रबोध दुखित देखि आचरन मम।
मोहि उपजइ अति क्रोध दंभिहि नीति कि भावई ॥105(ख)॥
Gur nit mohi prabodh dukhit dekhi acharan mam
Mohi upajai ati krodh dambhihi niti ki bhavai, 105(kh)