UtshovDoha 103
103.1
Chhand
अबला कच भूषन भूरि छुधा। धनहीन दुखी ममता बहुधा।।
सुख चाहहिं मूढ़ न धर्म रता। मति थोरि कठोरि न कोमलता ॥1॥
Abala kach bhushan bhuri chhudha, dhanahin dukhi mamata bahudha
Sukh chahahin murh na dharma rata, mati thori kathori na komalata
103.2
Chhand
नर पीड़ित रोग न भोग कहीं। अभिमान बिरोध अकारनहीं।।
लघु जीवन संबतु पंच दसा। कलपांत न नास गुमानु असा ॥2॥
Nar pirit rog na bhog kahin, abhiman birodh akaranahin
Laghu jivan sambatu panch dasa, kalapant na nas gumanu asa
103.3
Chhand
कलिकाल बिहाल किए मनुजा। नहिं मानत क्वौ अनुजा तनुजा।
नहिं तोष बिचार न सीतलता। सब जाति कुजाति भए मगता ॥3॥
Kalikal bihal kie manuja, nahin manat kvau anuja tanuja
Nahin tosh bichar na sitalata, sab jati kujati bhae magata
103.4
Chhand
इरिषा परुषाच्छर लोलुपता। भरि पूरि रही समता बिगता।।
सब लोग बियोग बिसोक हुए। बरनाश्रम धर्म अचार गए ॥4॥
Irisha parushachchhar lolupata, bhari puri rahi samata bigata
Sab log biyog bisok hue, baranashram dharma achar gae
103.5
Chhand
दम दान दया नहिं जानपनी। जड़ता परबंचनताति घनी।।
तनु पोषक नारि नरा सगरे। परनिंदक जे जग मो बगरे ॥5॥
Dam dan daya nahin janapani, jarata parabanchanatati ghani
Tanu poshak nari nara sagare, paranindak je jag mo bagare
103.6
Doha/soratha
सुनु ब्यालारि काल कलि मल अवगुन आगार।
गुनउँ बहुत कलिजुग कर बिनु प्रयास निस्तार ॥102(क)॥
Sunu byalari kal kali mal avagun agar
Gunaum bahut kalijug kar binu prayas nistar, 102(ka)
103.7
Doha/soratha
कृतजुग त्रेता द्वापर पूजा मख अरु जोग।
जो गति होइ सो कलि हरि नाम ते पावहिं लोग ॥102(ख)॥
Kritajug treta dvapar puja makh aru jog
Jo gati hoi so kali hari nam te pavahin log, 102(kh)