UtshovDoha 102
102.1
Chhand
बहु दाम सँवारहिं धाम जती। बिषया हरि लीन्हि न रहि बिरती।।
तपसी धनवंत दरिद्र गृही। कलि कौतुक तात न जात कही।।
कुलवंति निकारहिं नारि सती। गृह आनिहिं चेरी निबेरि गती।।
सुत मानहिं मातु पिता तब लौं। अबलानन दीख नहीं जब लौं।।
ससुरारि पिआरि लगी जब तें। रिपरूप कुटुंब भए तब तें।।
नृप पाप परायन धर्म नहीं। करि दंड बिडंब प्रजा नितहीं।।
धनवंत कुलीन मलीन अपी। द्विज चिन्ह जनेउ उघार तपी।।
नहिं मान पुरान न बेदहि जो। हरि सेवक संत सही कलि सो।।
कबि बृंद उदार दुनी न सुनी। गुन दूषक ब्रात न कोपि गुनी।।
कलि बारहिं बार दुकाल परै। बिनु अन्न दुखी सब लोग मरै।।
Bahu dam sanvarahin dham jati, bishaya hari linhi na rahi birati
Tapasi dhanavant daridra grihi, kali kautuk tat na jat kahi
Kulavanti nikarahin nari sati, grih anihin cheri niberi gati
Sut manahin matu pita tab laun, abalanan dikh nahin jab laun
Sasurari piari lagi jab ten, riparup kutumb bhae tab ten
Nrip pap parayan dharma nahin, kari dand bidamb praja nitahin
Dhanavant kulin malin api, dvij chinha janeu ughar tapi
Nahin man puran na bedahi jo, hari sevak sant sahi kali so
Kabi brind udar duni na suni, gun dushak brat na kopi guni
Kali barahin bar dukal parai, binu anna dukhi sab log marai
102.2
Doha/soratha
सुनु खगेस कलि कपट हठ दंभ द्वेष पाषंड।
मान मोह मारादि मद ब्यापि रहे ब्रह्मंड ॥101(क)॥
Sunu khages kali kapat hath dambh dvesh pashand
Man moh maradi mad byapi rahe brahmand, 101(ka)
102.3
Doha/soratha
तामस धर्म करहिं नर जप तप ब्रत मख दान।
देव न बरषहिं धरनीं बए न जामहिं धान ॥101(ख)॥
Tamas dharma karahin nar jap tap brat makh dan
Dev na barashahin dharanin bae na jamahin dhan, 101(kh)