UtshovDoha 101
101.1
Chaupai
पर त्रिय लंपट कपट सयाने। मोह द्रोह ममता लपटाने।।
तेइ अभेदबादी ग्यानी नर। देखा में चरित्र कलिजुग कर।।
आपु गए अरु तिन्हहू घालहिं। जे कहुँ सत मारग प्रतिपालहिं।।
कल्प कल्प भरि एक एक नरका। परहिं जे दूषहिं श्रुति करि तरका।।
जे बरनाधम तेलि कुम्हारा। स्वपच किरात कोल कलवारा।।
नारि मुई गृह संपति नासी। मूड़ मुड़ाइ होहिं सन्यासी।।
ते बिप्रन्ह सन आपु पुजावहिं। उभय लोक निज हाथ नसावहिं।।
बिप्र निरच्छर लोलुप कामी। निराचार सठ बृषली स्वामी।।
सूद्र करहिं जप तप ब्रत नाना। बैठि बरासन कहहिं पुराना।।
सब नर कल्पित करहिं अचारा। जाइ न बरनि अनीति अपारा।।
Par triy lampat kapat sayane, moh droh mamata lapatane
Tei abhedabadi gyani nar, dekha men charitra kalijug kar
Apu gae aru tinhahu ghalahin, je kahun sat marag pratipalahin
Kalpa kalpa bhari ek ek naraka, parahin je dushahin shruti kari taraka
Je baranadham teli kumhara, svapach kirat kol kalavara
Nari mui grih sampati nasi, mur murai hohin sanyasi
Te bipranha san apu pujavahin, ubhay lok nij hath nasavahin
Bipra nirachchhar lolup kami, nirachar sath brishali svami
Sudra karahin jap tap brat nana, baithi barasan kahahin purana
Sab nar kalpit karahin achara, jai na barani aniti apara
101.2
Doha/soratha
भए बरन संकर कलि भिन्नसेतु सब लोग।
करहिं पाप पावहिं दुख भय रुज सोक बियोग ॥100(क)॥
Bhae baran sankar kali bhinnasetu sab log
Karahin pap pavahin dukh bhay ruj sok biyog, 100(ka)
101.3
Doha/soratha
श्रुति संमत हरि भक्ति पथ संजुत बिरति बिबेक।
तेहि न चलहिं नर मोह बस कल्पहिं पंथ अनेक ॥100(ख)॥
Shruti sammat hari bhakti path sanjut birati bibek
Tehi na chalahin nar moh bas kalpahin panth anek, 100(kh)