UtshovDoha 100
100.1
Chaupai
नारि बिबस नर सकल गोसाई। नाचहिं नट मर्कट की नाई।।
सूद्र द्विजन्ह उपदेसहिं ग्याना। मेलि जनेऊ लेहिं कुदाना।।
सब नर काम लोभ रत क्रोधी। देव बिप्र श्रुति संत बिरोधी।।
गुन मंदिर सुंदर पति त्यागी। भजहिं नारि पर पुरुष अभागी।।
सौभागिनीं बिभूषन हीना। बिधवन्ह के सिंगार नबीना।।
गुर सिष बधिर अंध का लेखा। एक न सुनइ एक नहिं देखा।।
हरइ सिष्य धन सोक न हरई। सो गुर घोर नरक महुँ परई।।
मातु पिता बालकन्हि बोलाबहिं। उदर भरै सोइ धर्म सिखावहिं।।
Nari bibas nar sakal gosai, nachahin nat markat ki nai
Sudra dvijanha upadesahin gyana, meli janeu lehin kudana
Sab nar kam lobh rat krodhi, dev bipra shruti sant birodhi
Gun mandir sundar pati tyagi, bhajahin nari par purush abhagi
Saubhaginin bibhushan hina, bidhavanha ke singar nabina
Gur sish badhir andh ka lekha, ek na sunai ek nahin dekha
Harai sishya dhan sok na harai, so gur ghor narak mahun parai
Matu pita balakanhi bolabahin, udar bharai soi dharma sikhavahin
100.2
Doha/soratha
ब्रह्म ग्यान बिनु नारि नर कहहिं न दूसरि बात।
कौड़ी लागि लोभ बस करहिं बिप्र गुर घात ॥99(क)॥
Brahma gyan binu nari nar kahahin na dusari bat
Kauri lagi lobh bas karahin bipra gur ghat, 99(ka)
100.3
Doha/soratha
बादहिं सूद्र द्विजन्ह सन हम तुम्ह ते कछु घाटि।
जानइ ब्रह्म सो बिप्रबर आँखि देखावहिं डाटि ॥99(ख)॥
Badahin sudra dvijanha san ham tumha te kachhu ghati
Janai brahma so biprabar ankhi dekhavahin dati, 99(kh)