UtshovDoha 104
104.1
Chaupai
कृतजुग सब जोगी बिग्यानी। करि हरि ध्यान तरहिं भव प्रानी।।
त्रेताँ बिबिध जग्य नर करहीं। प्रभुहि समर्पि कर्म भव तरहीं।।
द्वापर करि रघुपति पद पूजा। नर भव तरहिं उपाय न दूजा।।
कलिजुग केवल हरि गुन गाहा। गावत नर पावहिं भव थाहा।।
कलिजुग जोग न जग्य न ग्याना। एक अधार राम गुन गाना।।
सब भरोस तजि जो भज रामहि। प्रेम समेत गाव गुन ग्रामहि।।
सोइ भव तर कछु संसय नाहीं। नाम प्रताप प्रगट कलि माहीं।।
कलि कर एक पुनीत प्रतापा। मानस पुन्य होहिं नहिं पापा।।
Kritajug sab jogi bigyani, kari hari dhyan tarahin bhav prani
Tretan bibidh jagya nar karahin, prabhuhi samarpi karma bhav tarahin
Dvapar kari raghupati pad puja, nar bhav tarahin upaya na duja
Kalijug keval hari gun gaha, gavat nar pavahin bhav thaha
Kalijug jog na jagya na gyana, ek adhar ram gun gana
Sab bharos taji jo bhaj ramahi, prem samet gav gun gramahi
Soi bhav tar kachhu sansay nahin, nam pratap pragat kali mahin
Kali kar ek punit pratapa, manas punya hohin nahin papa
104.2
Doha/soratha
कलिजुग सम जुग आन नहिं जौं नर कर बिस्वास।
गाइ राम गुन गन बिमलँ भव तर बिनहिं प्रयास ॥103(क)॥
Kalijug sam jug an nahin jaun nar kar bisvas
Gai ram gun gan bimalam bhav tar binahin prayas, 103(ka)
104.3
Doha/soratha
प्रगट चारि पद धर्म के कलिल महुँ एक प्रधान।
जेन केन बिधि दीन्हें दान करइ कल्यान ॥103(ख)॥
Pragat chari pad dharma ke kalil mahun ek pradhan
Jen ken bidhi dinhen dan karai kalyan, 103(kh)