UtshovDoha 98
98.1
Chaupai
प्रभु छन महुँ माया सब काटी। जिमि रबि उएँ जाहिं तम फाटी।।
रावनु एकु देखि सुर हरषे। फिरे सुमन बहु प्रभु पर बरषे।।
भुज उठाइ रघुपति कपि फेरे। फिरे एक एकन्ह तब टेरे।।
प्रभु बलु पाइ भालु कपि धाए। तरल तमकि संजुग महि आए।।
अस्तुति करत देवतन्हि देखें। भयउँ एक मैं इन्ह के लेखें।।
सठहु सदा तुम्ह मोर मरायल। अस कहि कोपि गगन पर धायल।।
हाहाकार करत सुर भागे। खलहु जाहु कहँ मोरें आगे।।
देखि बिकल सुर अंगद धायो। कूदि चरन गहि भूमि गिरायो।।
Prabhu chhan mahun maya sab kati, jimi rabi uem jahin tam phati
Ravanu eku dekhi sur harashe, phire suman bahu prabhu par barashe
Bhuj uthai raghupati kapi phere, phire ek ekanha tab tere
Prabhu balu pai bhalu kapi dhae, taral tamaki sanjug mahi ae
Astuti karat devatanhi dekhen, bhayaum ek main inha ke lekhen
Sathahu sada tumha mor marayal, as kahi kopi gagan par dhayal
Hahakar karat sur bhage, khalahu jahu kaham moren age
Dekhi bikal sur angad dhayo, kudi charan gahi bhumi girayo
98.2
Chhand
गहि भूमि पार् यो लात मार् यो बालिसुत प्रभु पहिं गयो।
संभारि उठि दसकंठ घोर कठोर रव गर्जत भयो।।
करि दाप चाप चढ़ाइ दस संधानि सर बहु बरषई।
किए सकल भट घायल भयाकुल देखि निज बल हरषई।।
Gahi bhumi par yo lat mar yo balisut prabhu pahin gayo
Sambhari uthi dasakanth ghor kathor rav garjat bhayo
Kari dap chap charhai das sandhani sar bahu barashai
Kie sakal bhat ghayal bhayakul dekhi nij bal harashai
98.3
Doha/soratha
तब रघुपति रावन के सीस भुजा सर चाप।
काटे बहुत बढ़े पुनि जिमि तीरथ कर पाप। 97।।
Tab raghupati ravan ke sis bhuja sar chap
Kate bahut barhe puni jimi tirath kar pap