UtshovDoha 97
97.1
Chaupai
अंतरधान भयउ छन एका। पुनि प्रगटे खल रूप अनेका।।
रघुपति कटक भालु कपि जेते। जहँ तहँ प्रगट दसानन तेते।।
देखे कपिन्ह अमित दससीसा। जहँ तहँ भजे भालु अरु कीसा।।
भागे बानर धरहिं न धीरा। त्राहि त्राहि लछिमन रघुबीरा।।
दहँ दिसि धावहिं कोटिन्ह रावन। गर्जहिं घोर कठोर भयावन।।
डरे सकल सुर चले पराई। जय कै आस तजहु अब भाई।।
सब सुर जिते एक दसकंधर। अब बहु भए तकहु गिरि कंदर।।
रहे बिरंचि संभु मुनि ग्यानी। जिन्ह जिन्ह प्रभु महिमा कछु जानी।।
Antaradhan bhayau chhan eka, puni pragate khal rup aneka
Raghupati katak bhalu kapi jete, jaham taham pragat dasanan tete
Dekhe kapinha amit dasasisa, jaham taham bhaje bhalu aru kisa
Bhage banar dharahin na dhira, trahi trahi lachhiman raghubira
Daham disi dhavahin kotinha ravan, garjahin ghor kathor bhayavan
Dare sakal sur chale parai, jay kai as tajahu ab bhai
Sab sur jite ek dasakandhar, ab bahu bhae takahu giri kandar
Rahe biranchi sambhu muni gyani, jinha jinha prabhu mahima kachhu jani
97.2
Chhand
जाना प्रताप ते रहे निर्भय कपिन्ह रिपु माने फुरे।
चले बिचलि मर्कट भालु सकल कृपाल पाहि भयातुरे।।
हनुमंत अंगद नील नल अतिबल लरत रन बाँकुरे।
मर्दहिं दसानन कोटि कोटिन्ह कपट भू भट अंकुरे।।
Jana pratap te rahe nirbhay kapinha ripu mane phure
Chale bichali markat bhalu sakal kripal pahi bhayature
Hanumant angad nil nal atibal larat ran bankure
Mardahin dasanan koti kotinha kapat bhu bhat ankure
97.3
Doha/soratha
सुर बानर देखे बिकल हँस्यो कोसलाधीस।
सजि सारंग एक सर हते सकल दससीस ॥96॥
Sur banar dekhe bikal hansyo kosaladhis
Saji sarang ek sar hate sakal dasasis