UtshovDoha 96
96.1
Chaupai
देखा श्रमित बिभीषनु भारी। धायउ हनूमान गिरि धारी।।
रथ तुरंग सारथी निपाता। हृदय माझ तेहि मारेसि लाता।।
ठाढ़ रहा अति कंपित गाता। गयउ बिभीषनु जहँ जनत्राता।।
पुनि रावन कपि हतेउ पचारी। चलेउ गगन कपि पूँछ पसारी।।
गहिसि पूँछ कपि सहित उड़ाना। पुनि फिरि भिरेउ प्रबल हनुमाना।।
लरत अकास जुगल सम जोधा। एकहि एकु हनत करि क्रोधा।।
सोहहिं नभ छल बल बहु करहीं। कज्जल गिरि सुमेरु जनु लरहीं।।
बुधि बल निसिचर परइ न पार् यो। तब मारुत सुत प्रभु संभार् यो।।
Dekha shramit bibhishanu bhari, dhayau hanuman giri dhari
Rath turang sarathi nipata, hriday majh tehi maresi lata
Tharh raha ati kampit gata, gayau bibhishanu jaham janatrata
Puni ravan kapi hateu pachari, chaleu gagan kapi punchh pasari
Gahisi punchh kapi sahit urana, puni phiri bhireu prabal hanumana
Larat akas jugal sam jodha, ekahi eku hanat kari krodha
Sohahin nabh chhal bal bahu karahin, kajjal giri sumeru janu larahin
Budhi bal nisichar parai na par yo, tab marut sut prabhu sambhar yo
96.2
Chhand
संभारि श्रीरघुबीर धीर पचारि कपि रावनु हन्यो।
महि परत पुनि उठि लरत देवन्ह जुगल कहुँ जय जय भन्यो।।
हनुमंत संकट देखि मर्कट भालु क्रोधातुर चले।
रन मत्त रावन सकल सुभट प्रचंड भुज बल दलमले।।
Sambhari shriraghubir dhir pachari kapi ravanu hanyo
Mahi parat puni uthi larat devanha jugal kahun jay jay bhanyo
Hanumant sankat dekhi markat bhalu krodhatur chale
Ran matta ravan sakal subhat prachand bhuj bal dalamale
96.3
Doha/soratha
तब रघुबीर पचारे धाए कीस प्रचंड।
कपि बल प्रबल देखि तेहिं कीन्ह प्रगट पाषंड ॥95॥
Tab raghubir pachare dhae kis prachand
Kapi bal prabal dekhi tehin kinha pragat pashand