UtshovDoha 95
95.1
Chaupai
आवत देखि सक्ति अति घोरा। प्रनतारति भंजन पन मोरा।।
तुरत बिभीषन पाछें मेला। सन्मुख राम सहेउ सोइ सेला।।
लागि सक्ति मुरुछा कछु भई। प्रभु कृत खेल सुरन्ह बिकलई।।
देखि बिभीषन प्रभु श्रम पायो। गहि कर गदा क्रुद्ध होइ धायो।।
रे कुभाग्य सठ मंद कुबुद्धे। तैं सुर नर मुनि नाग बिरुद्धे।।
सादर सिव कहुँ सीस चढ़ाए। एक एक के कोटिन्ह पाए।।
तेहि कारन खल अब लगि बाँच्यो। अब तव कालु सीस पर नाच्यो।।
राम बिमुख सठ चहसि संपदा। अस कहि हनेसि माझ उर गदा।।
Avat dekhi sakti ati ghora, pranatarati bhanjan pan mora
Turat bibhishan pachhen mela, sanmukh ram saheu soi sela
Lagi sakti muruchha kachhu bhai, prabhu krit khel suranha bikalai
Dekhi bibhishan prabhu shram payo, gahi kar gada kruddha hoi dhayo
Re kubhagya sath mand kubuddhe, tain sur nar muni nag biruddhe
Sadar siv kahun sis charhae, ek ek ke kotinha pae
Tehi karan khal ab lagi banchyo, ab tav kalu sis par nachyo
Ram bimukh sath chahasi sampada, as kahi hanesi majh ur gada
95.2
Chhand
उर माझ गदा प्रहार घोर कठोर लागत महि पर् यो।
दस बदन सोनित स्त्रवत पुनि संभारि धायो रिस भर् यो।।
द्वौ भिरे अतिबल मल्लजुद्ध बिरुद्ध एकु एकहि हनै।
रघुबीर बल दर्पित बिभीषनु घालि नहिं ता कहुँ गनै।।
Ur majh gada prahar ghor kathor lagat mahi par yo
Das badan sonit stravat puni sambhari dhayo ris bhar yo
Dvau bhire atibal mallajuddha biruddha eku ekahi hanai
Raghubir bal darpit bibhishanu ghali nahin ta kahun ganai
95.3
Doha/soratha
उमा बिभीषनु रावनहि सन्मुख चितव कि काउ।
सो अब भिरत काल ज्यों श्रीरघुबीर प्रभाउ ॥94॥
Uma bibhishanu ravanahi sanmukh chitav ki kau
So ab bhirat kal jyon shriraghubir prabhau