UtshovDoha 92
92.1
Chaupai
कहि दुर्बचन क्रुद्ध दसकंधर। कुलिस समान लाग छाँड़ै सर।।
नानाकार सिलीमुख धाए। दिसि अरु बिदिस गगन महि छाए।।
पावक सर छाँड़ेउ रघुबीरा। छन महुँ जरे निसाचर तीरा।।
छाड़िसि तीब्र सक्ति खिसिआई। बान संग प्रभु फेरि चलाई।।
कोटिक चक्र त्रिसूल पबारै। बिनु प्रयास प्रभु काटि निवारै।।
निफल होहिं रावन सर कैसें। खल के सकल मनोरथ जैसें।।
तब सत बान सारथी मारेसि। परेउ भूमि जय राम पुकारेसि।।
राम कृपा करि सूत उठावा। तब प्रभु परम क्रोध कहुँ पावा।।
Kahi durbachan kruddha dasakandhar, kulis saman lag chhanrai sar
Nanakar silimukh dhae, disi aru bidis gagan mahi chhae
Pavak sar chhanreu raghubira, chhan mahun jare nisachar tira
Chharisi tibra sakti khisiai, ban sang prabhu pheri chalai
Kotik chakra trisul pabarai, binu prayas prabhu kati nivarai
Niphal hohin ravan sar kaisen, khal ke sakal manorath jaisen
Tab sat ban sarathi maresi, pareu bhumi jay ram pukaresi
Ram kripa kari sut uthava, tab prabhu param krodh kahun pava
92.2
Chhand
भए क्रुद्ध जुद्ध बिरुद्ध रघुपति त्रोन सायक कसमसे।
कोदंड धुनि अति चंड सुनि मनुजाद सब मारुत ग्रसे।।
मँदोदरी उर कंप कंपति कमठ भू भूधर त्रसे।
चिक्करहिं दिग्गज दसन गहि महि देखि कौतुक सुर हँसे।।
Bhae kruddha juddha biruddha raghupati tron sayak kasamase
Kodand dhuni ati chand suni manujad sab marut grase
Mandodari ur kamp kampati kamath bhu bhudhar trase
Chikkarahin diggaj dasan gahi mahi dekhi kautuk sur hanse
92.3
Doha/soratha
तानेउ चाप श्रवन लगि छाँड़े बिसिख कराल।
राम मारगन गन चले लहलहात जनु ब्याल ॥91॥
Taneu chap shravan lagi chhanre bisikh karal
Ram maragan gan chale lahalahat janu byal