UtshovDoha 91
91.1
Chaupai
अस कहि रथ रघुनाथ चलावा। बिप्र चरन पंकज सिरु नावा।।
तब लंकेस क्रोध उर छावा। गर्जत तर्जत सन्मुख धावा।।
जीतेहु जे भट संजुग माहीं। सुनु तापस मैं तिन्ह सम नाहीं।।
रावन नाम जगत जस जाना। लोकप जाकें बंदीखाना।।
खर दूषन बिराध तुम्ह मारा। बधेहु ब्याध इव बालि बिचारा।।
निसिचर निकर सुभट संघारेहु। कुंभकरन घननादहि मारेहु।।
आजु बयरु सबु लेउँ निबाही। जौं रन भूप भाजि नहिं जाहीं।।
आजु करउँ खलु काल हवाले। परेहु कठिन रावन के पाले।।
सुनि दुर्बचन कालबस जाना। बिहँसि बचन कह कृपानिधाना।।
सत्य सत्य सब तव प्रभुताई। जल्पसि जनि देखाउ मनुसाई।।
As kahi rath raghunath chalava, bipra charan pankaj siru nava
Tab lankes krodh ur chhava, garjat tarjat sanmukh dhava
Jitehu je bhat sanjug mahin, sunu tapas main tinha sam nahin
Ravan nam jagat jas jana, lokap jaken bandikhana
Khar dushan biradh tumha mara, badhehu byadh iv bali bichara
Nisichar nikar subhat sangharehu, kumbhakaran ghananadahi marehu
Aju bayaru sabu leum nibahi, jaun ran bhup bhaji nahin jahin
Aju karaum khalu kal havale, parehu kathin ravan ke pale
Suni durbachan kalabas jana, bihansi bachan kah kripanidhana
Satya satya sab tav prabhutai, jalpasi jani dekhau manusai
91.2
Chhand
जनि जल्पना करि सुजसु नासहि नीति सुनहि करहि छमा।
संसार महँ पूरुष त्रिबिध पाटल रसाल पनस समा।।
एक सुमनप्रद एक सुमन फल एक फलइ केवल लागहीं।
एक कहहिं कहहिं करहिं अपर एक करहिं कहत न बागहीं।।
Jani jalpana kari sujasu nasahi niti sunahi karahi chhama
Sansar maham purush tribidh patal rasal panas sama
Ek sumanaprad ek suman phal ek phalai keval lagahin
Ek kahahin kahahin karahin apar ek karahin kahat na bagahin
91.3
Doha/soratha
राम बचन सुनि बिहँसा मोहि सिखावत ग्यान।
बयरु करत नहिं तब डरे अब लागे प्रिय प्रान ॥90॥
Ram bachan suni bihansa mohi sikhavat gyan
Bayaru karat nahin tab dare ab lage priy pran