UtshovDoha 90
90.1
Chaupai
देवन्ह प्रभुहि पयादें देखा। उपजा उर अति छोभ बिसेषा।।
सुरपति निज रथ तुरत पठावा। हरष सहित मातलि लै आवा।।
तेज पुंज रथ दिब्य अनूपा। हरषि चढ़े कोसलपुर भूपा।।
चंचल तुरग मनोहर चारी। अजर अमर मन सम गतिकारी।।
रथारूढ़ रघुनाथहि देखी। धाए कपि बलु पाइ बिसेषी।।
सही न जाइ कपिन्ह कै मारी। तब रावन माया बिस्तारी।।
सो माया रघुबीरहि बाँची। लछिमन कपिन्ह सो मानी साँची।।
देखी कपिन्ह निसाचर अनी। अनुज सहित बहु कोसलधनी।।
Devanha prabhuhi payaden dekha, upaja ur ati chhobh bisesha
Surapati nij rath turat pathava, harash sahit matali lai ava
Tej punj rath dibya anupa, harashi charhe kosalapur bhupa
Chanchal turag manohar chari, ajar amar man sam gatikari
Ratharurh raghunathahi dekhi, dhae kapi balu pai biseshi
Sahi na jai kapinha kai mari, tab ravan maya bistari
So maya raghubirahi banchi, lachhiman kapinha so mani sanchi
Dekhi kapinha nisachar ani, anuj sahit bahu kosaladhani
90.2
Chhand
बहु राम लछिमन देखि मर्कट भालु मन अति अपडरे।
जनु चित्र लिखित समेत लछिमन जहँ सो तहँ चितवहिं खरे।।
निज सेन चकित बिलोकि हँसि सर चाप सजि कोसल धनी।
माया हरी हरि निमिष महुँ हरषी सकल मर्कट अनी।।
Bahu ram lachhiman dekhi markat bhalu man ati apadare
Janu chitra likhit samet lachhiman jaham so taham chitavahin khare
Nij sen chakit biloki hansi sar chap saji kosal dhani
Maya hari hari nimish mahun harashi sakal markat ani
90.3
Doha/soratha
बहुरि राम सब तन चितइ बोले बचन गँभीर।
द्वंदजुद्ध देखहु सकल श्रमित भए अति बीर ॥89॥
Bahuri ram sab tan chitai bole bachan gambhir
Dvandajuddha dekhahu sakal shramit bhae ati bir