UtshovDoha 89
89.1
Chaupai
मज्जहि भूत पिसाच बेताला। प्रमथ महा झोटिंग कराला।।
काक कंक लै भुजा उड़ाहीं। एक ते छीनि एक लै खाहीं।।
एक कहहिं ऐसिउ सौंघाई। सठहु तुम्हार दरिद्र न जाई।।
कहँरत भट घायल तट गिरे। जहँ तहँ मनहुँ अर्धजल परे।।
खैंचहिं गीध आँत तट भए। जनु बंसी खेलत चित दए।।
बहु भट बहहिं चढ़े खग जाहीं। जनु नावरि खेलहिं सरि माहीं।।
जोगिनि भरि भरि खप्पर संचहिं। भूत पिसाच बधू नभ नंचहिं।।
भट कपाल करताल बजावहिं। चामुंडा नाना बिधि गावहिं।।
जंबुक निकर कटक्कट कट्टहिं। खाहिं हुआहिं अघाहिं दपट्टहिं।।
कोटिन्ह रुंड मुंड बिनु डोल्लहिं। सीस परे महि जय जय बोल्लहिं।।
Majjahi bhut pisach betala, pramath maha jhoting karala
Kak kank lai bhuja urahin, ek te chhini ek lai khahin
Ek kahahin aisiu saunghai, sathahu tumhar daridra na jai
Kahanrat bhat ghayal tat gire, jaham taham manahun ardhajal pare
Khainchahin gidh ant tat bhae, janu bansi khelat chit dae
Bahu bhat bahahin charhe khag jahin, janu navari khelahin sari mahin
Jogini bhari bhari khappar sanchahin, bhut pisach badhu nabh nanchahin
Bhat kapal karatal bajavahin, chamunda nana bidhi gavahin
Jambuk nikar katakkat kattahin, khahin huahin aghahin dapattahin
Kotinha rund mund binu dollahin, sis pare mahi jay jay bollahin
89.2
Chhand
बोल्लहिं जो जय जय मुंड रुंड प्रचंड सिर बिनु धावहीं।
खप्परिन्ह खग्ग अलुज्झि जुज्झहिं सुभट भटन्ह ढहावहीं।।
बानर निसाचर निकर मर्दहिं राम बल दर्पित भए।
संग्राम अंगन सुभट सोवहिं राम सर निकरन्हि हए।।
Bollahin jo jay jay mund rund prachand sir binu dhavahin
Khapparinha khagga alujjhi jujjhahin subhat bhatanha dhahavahin
Banar nisachar nikar mardahin ram bal darpit bhae
Sangram angan subhat sovahin ram sar nikaranhi hae
89.3
Doha/soratha
रावन हृदयँ बिचारा भा निसिचर संघार।
मैं अकेल कपि भालु बहु माया करौं अपार ॥88॥
Ravan hridayam bichara bha nisichar sanghar
Main akel kapi bhalu bahu maya karaun apar