UtshovDoha 88
88.1
Chaupai
एहीं बीच निसाचर अनी। कसमसात आई अति घनी।
देखि चले सन्मुख कपि भट्टा। प्रलयकाल के जनु घन घट्टा।।
बहु कृपान तरवारि चमंकहिं। जनु दहँ दिसि दामिनीं दमंकहिं।।
गज रथ तुरग चिकार कठोरा। गर्जहिं मनहुँ बलाहक घोरा।।
कपि लंगूर बिपुल नभ छाए। मनहुँ इंद्रधनु उए सुहाए।।
उठइ धूरि मानहुँ जलधारा। बान बुंद भै बृष्टि अपारा।।
दुहुँ दिसि पर्बत करहिं प्रहारा। बज्रपात जनु बारहिं बारा।।
रघुपति कोपि बान झरि लाई। घायल भै निसिचर समुदाई।।
लागत बान बीर चिक्करहीं। घुर्मि घुर्मि जहँ तहँ महि परहीं।।
स्त्रवहिं सैल जनु निर्झर भारी। सोनित सरि कादर भयकारी।।
Ehin bich nisachar ani, kasamasat ai ati ghani
Dekhi chale sanmukh kapi bhatta, pralayakal ke janu ghan ghatta
Bahu kripan taravari chamankahin, janu daham disi daminin damankahin
Gaj rath turag chikar kathora, garjahin manahun balahak ghora
Kapi langur bipul nabh chhae, manahun indradhanu ue suhae
Uthai dhuri manahun jaladhara, ban bund bhai brishti apara
Duhun disi parbat karahin prahara, bajrapat janu barahin bara
Raghupati kopi ban jhari lai, ghayal bhai nisichar samudai
Lagat ban bir chikkarahin, ghurmi ghurmi jaham taham mahi parahin
Stravahin sail janu nirjhar bhari, sonit sari kadar bhayakari
88.2
Chhand
कादर भयंकर रुधिर सरिता चली परम अपावनी।
दोउ कूल दल रथ रेत चक्र अबर्त बहति भयावनी।।
जल जंतुगज पदचर तुरग खर बिबिध बाहन को गने।
सर सक्ति तोमर सर्प चाप तरंग चर्म कमठ घने।।
Kadar bhayankar rudhir sarita chali param apavani
Dou kul dal rath ret chakra abarta bahati bhayavani
Jal jantugaj padachar turag khar bibidh bahan ko gane
Sar sakti tomar sarpa chap tarang charma kamath ghane
88.3
Doha/soratha
बीर परहिं जनु तीर तरु मज्जा बहु बह फेन।
कादर देखि डरहिं तहँ सुभटन्ह के मन चेन ॥87॥
Bir parahin janu tir taru majja bahu bah phen
Kadar dekhi darahin taham subhatanha ke man chen