UtshovDoha 86
86.1
Chaupai
इहाँ बिभीषन सब सुधि पाई। सपदि जाइ रघुपतिहि सुनाई।।
नाथ करइ रावन एक जागा। सिद्ध भएँ नहिं मरिहि अभागा।।
पठवहु नाथ बेगि भट बंदर। करहिं बिधंस आव दसकंधर।।
प्रात होत प्रभु सुभट पठाए। हनुमदादि अंगद सब धाए।।
कौतुक कूदि चढ़े कपि लंका। पैठे रावन भवन असंका।।
जग्य करत जबहीं सो देखा। सकल कपिन्ह भा क्रोध बिसेषा।।
रन ते निलज भाजि गृह आवा। इहाँ आइ बक ध्यान लगावा।।
अस कहि अंगद मारा लाता। चितव न सठ स्वारथ मन राता।।
Ihan bibhishan sab sudhi pai, sapadi jai raghupatihi sunai
Nath karai ravan ek jaga, siddha bhaem nahin marihi abhaga
Pathavahu nath begi bhat bandar, karahin bidhans av dasakandhar
Prat hot prabhu subhat pathae, hanumadadi angad sab dhae
Kautuk kudi charhe kapi lanka, paithe ravan bhavan asanka
Jagya karat jabahin so dekha, sakal kapinha bha krodh bisesha
Ran te nilaj bhaji grih ava, ihan ai bak dhyan lagava
As kahi angad mara lata, chitav na sath svarath man rata
86.2
Chhand
नहिं चितव जब करि कोप कपि गहि दसन लातन्ह मारहीं।
धरि केस नारि निकारि बाहेर तेऽतिदीन पुकारहीं।।
तब उठेउ क्रुद्ध कृतांत सम गहि चरन बानर डारई।
एहि बीच कपिन्ह बिधंस कृत मख देखि मन महुँ हारई।।
Nahin chitav jab kari kop kapi gahi dasan latanha marahin
Dhari kes nari nikari baher tetidin pukarahin
Tab utheu kruddha kritant sam gahi charan banar darai
Ehi bich kapinha bidhans krit makh dekhi man mahun harai
86.3
Doha/soratha
जग्य बिधंसि कुसल कपि आए रघुपति पास।
चलेउ निसाचर क्रुर्द्ध होइ त्यागि जिवन कै आस ॥85॥
Jagya bidhansi kusal kapi ae raghupati pas
Chaleu nisachar krurddha hoi tyagi jivan kai as