UtshovDoha 85
85.1
Chaupai
जानु टेकि कपि भूमि न गिरा। उठा सँभारि बहुत रिस भरा।।
मुठिका एक ताहि कपि मारा। परेउ सैल जनु बज्र प्रहारा।।
मुरुछा गै बहोरि सो जागा। कपि बल बिपुल सराहन लागा।।
धिग धिग मम पौरुष धिग मोही। जौं तैं जिअत रहेसि सुरद्रोही।।
अस कहि लछिमन कहुँ कपि ल्यायो। देखि दसानन बिसमय पायो।।
कह रघुबीर समुझु जियँ भ्राता। तुम्ह कृतांत भच्छक सुर त्राता।।
सुनत बचन उठि बैठ कृपाला। गई गगन सो सकति कराला।।
पुनि कोदंड बान गहि धाए। रिपु सन्मुख अति आतुर आए।।
Janu teki kapi bhumi na gira, utha sambhari bahut ris bhara
Muthika ek tahi kapi mara, pareu sail janu bajra prahara
Muruchha gai bahori so jaga, kapi bal bipul sarahan laga
Dhig dhig mam paurush dhig mohi, jaun tain jiat rahesi suradrohi
As kahi lachhiman kahun kapi lyayo, dekhi dasanan bisamay payo
Kah raghubir samujhu jiyam bhrata, tumha kritant bhachchhak sur trata
Sunat bachan uthi baith kripala, gai gagan so sakati karala
Puni kodand ban gahi dhae, ripu sanmukh ati atur ae
85.2
Chhand
आतुर बहोरि बिभंजि स्यंदन सूत हति ब्याकुल कियो।
गिर् यो धरनि दसकंधर बिकलतर बान सत बेध्यो हियो।।
सारथी दूसर घालि रथ तेहि तुरत लंका लै गयो।
रघुबीर बंधु प्रताप पुंज बहोरि प्रभु चरनन्हि नयो।।
Atur bahori bibhanji syandan sut hati byakul kiyo
Gir yo dharani dasakandhar bikalatar ban sat bedhyo hiyo
Sarathi dusar ghali rath tehi turat lanka lai gayo
Raghubir bandhu pratap punj bahori prabhu charananhi nayo
85.3
Doha/soratha
उहाँ दसानन जागि करि करै लाग कछु जग्य।
राम बिरोध बिजय चह सठ हठ बस अति अग्य ॥84॥
Uhan dasanan jagi kari karai lag kachhu jagya
Ram birodh bijay chah sath hath bas ati agya