UtshovDoha 84
84.1
Chaupai
रे खल का मारसि कपि भालू। मोहि बिलोकु तोर मैं कालू।।
खोजत रहेउँ तोहि सुतघाती। आजु निपाति जुड़ावउँ छाती।।
अस कहि छाड़ेसि बान प्रचंडा। लछिमन किए सकल सत खंडा।।
कोटिन्ह आयुध रावन डारे। तिल प्रवान करि काटि निवारे।।
पुनि निज बानन्ह कीन्ह प्रहारा। स्यंदनु भंजि सारथी मारा।।
सत सत सर मारे दस भाला। गिरि सृंगन्ह जनु प्रबिसहिं ब्याला।।
पुनि सत सर मारा उर माहीं। परेउ धरनि तल सुधि कछु नाहीं।।
उठा प्रबल पुनि मुरुछा जागी। छाड़िसि ब्रह्म दीन्हि जो साँगी।।
Re khal ka marasi kapi bhalu, mohi biloku tor main kalu
Khojat raheum tohi sutaghati, aju nipati juravaum chhati
As kahi chharesi ban prachanda, lachhiman kie sakal sat khanda
Kotinha ayudh ravan dare, til pravan kari kati nivare
Puni nij bananha kinha prahara, syandanu bhanji sarathi mara
Sat sat sar mare das bhala, giri sringanha janu prabisahin byala
Puni sat sar mara ur mahin, pareu dharani tal sudhi kachhu nahin
Utha prabal puni muruchha jagi, chharisi brahma dinhi jo sangi
84.2
Chhand
सो ब्रह्म दत्त प्रचंड सक्ति अनंत उर लागी सही।
पर्यो बीर बिकल उठाव दसमुख अतुल बल महिमा रही।।
ब्रह्मांड भवन बिराज जाकें एक सिर जिमि रज कनी।
तेहि चह उठावन मूढ़ रावन जान नहिं त्रिभुअन धनी।।
So brahma datta prachand sakti anant ur lagi sahi
Paryo bir bikal uthav dasamukh atul bal mahima rahi
Brahmand bhavan biraj jaken ek sir jimi raj kani
Tehi chah uthavan murh ravan jan nahin tribhuan dhani
84.3
Doha/soratha
देखि पवनसुत धायउ बोलत बचन कठोर।
आवत कपिहि हन्यो तेहिं मुष्टि प्रहार प्रघोर ॥83॥
Dekhi pavanasut dhayau bolat bachan kathor
Avat kapihi hanyo tehin mushti prahar praghor