UtshovDoha 81
81.1
Chaupai
रावनु रथी बिरथ रघुबीरा। देखि बिभीषन भयउ अधीरा।।
अधिक प्रीति मन भा संदेहा। बंदि चरन कह सहित सनेहा।।
नाथ न रथ नहिं तन पद त्राना। केहि बिधि जितब बीर बलवाना।।
सुनहु सखा कह कृपानिधाना। जेहिं जय होइ सो स्यंदन आना।।
सौरज धीरज तेहि रथ चाका। सत्य सील दृढ़ ध्वजा पताका।।
बल बिबेक दम परहित घोरे। छमा कृपा समता रजु जोरे।।
ईस भजनु सारथी सुजाना। बिरति चर्म संतोष कृपाना।।
दान परसु बुधि सक्ति प्रचंड़ा। बर बिग्यान कठिन कोदंडा।।
अमल अचल मन त्रोन समाना। सम जम नियम सिलीमुख नाना।।
कवच अभेद बिप्र गुर पूजा। एहि सम बिजय उपाय न दूजा।।
सखा धर्ममय अस रथ जाकें। जीतन कहँ न कतहुँ रिपु ताकें।।
Ravanu rathi birath raghubira, dekhi bibhishan bhayau adhira
Adhik priti man bha sandeha, bandi charan kah sahit saneha
Nath na rath nahin tan pad trana, kehi bidhi jitab bir balavana
Sunahu sakha kah kripanidhana, jehin jay hoi so syandan ana
Sauraj dhiraj tehi rath chaka, satya sil drirh dhvaja pataka
Bal bibek dam parahit ghore, chhama kripa samata raju jore
Is bhajanu sarathi sujana, birati charma santosh kripana
Dan parasu budhi sakti prachanra, bar bigyan kathin kodanda
Amal achal man tron samana, sam jam niyam silimukh nana
Kavach abhed bipra gur puja, ehi sam bijay upaya na duja
Sakha dharmamay as rath jaken, jitan kaham na katahun ripu taken
81.2
Doha/soratha
महा अजय संसार रिपु जीति सकइ सो बीर।
जाकें अस रथ होइ दृढ़ सुनहु सखा मतिधीर ॥80(क)॥
Maha ajay sansar ripu jiti sakai so bir
Jaken as rath hoi drirh sunahu sakha matidhir, 80(ka)
81.3
Doha/soratha
सुनि प्रभु बचन बिभीषन हरषि गहे पद कंज।
एहि मिस मोहि उपदेसेहु राम कृपा सुख पुंज ॥80(ख)॥
Suni prabhu bachan bibhishan harashi gahe pad kanj
Ehi mis mohi upadesehu ram kripa sukh punj, 80(kh)
81.4
Doha/soratha
उत पचार दसकंधर इत अंगद हनुमान।
लरत निसाचर भालु कपि करि निज निज प्रभु आन ॥80(ग)॥
Ut pachar dasakandhar it angad hanuman
Larat nisachar bhalu kapi kari nij nij prabhu an, 80(ga)