UtshovDoha 80
80.1
Chaupai
चलेउ निसाचर कटकु अपारा। चतुरंगिनी अनी बहु धारा।।
बिबिध भाँति बाहन रथ जाना। बिपुल बरन पताक ध्वज नाना।।
चले मत्त गज जूथ घनेरे। प्राबिट जलद मरुत जनु प्रेरे।।
बरन बरद बिरदैत निकाया। समर सूर जानहिं बहु माया।।
अति बिचित्र बाहिनी बिराजी। बीर बसंत सेन जनु साजी।।
चलत कटक दिगसिधुंर डगहीं। छुभित पयोधि कुधर डगमगहीं।।
उठी रेनु रबि गयउ छपाई। मरुत थकित बसुधा अकुलाई।।
पनव निसान घोर रव बाजहिं। प्रलय समय के घन जनु गाजहिं।।
भेरि नफीरि बाज सहनाई। मारू राग सुभट सुखदाई।।
केहरि नाद बीर सब करहीं। निज निज बल पौरुष उच्चरहीं।।
कहइ दसानन सुनहु सुभट्टा। मर्दहु भालु कपिन्ह के ठट्टा।।
हौं मारिहउँ भूप द्वौ भाई। अस कहि सन्मुख फौज रेंगाई।।
यह सुधि सकल कपिन्ह जब पाई। धाए करि रघुबीर दोहाई।।
Chaleu nisachar kataku apara, chaturangini ani bahu dhara
Bibidh bhanti bahan rath jana, bipul baran patak dhvaj nana
Chale matta gaj juth ghanere, prabit jalad marut janu prere
Baran barad biradait nikaya, samar sur janahin bahu maya
Ati bichitra bahini biraji, bir basant sen janu saji
Chalat katak digasidhunr dagahin, chhubhit payodhi kudhar dagamagahin
Uthi renu rabi gayau chhapai, marut thakit basudha akulai
Panav nisan ghor rav bajahin, pralay samay ke ghan janu gajahin
Bheri naphiri baj sahanai, maru rag subhat sukhadai
Kehari nad bir sab karahin, nij nij bal paurush uchcharahin
Kahai dasanan sunahu subhatta, mardahu bhalu kapinha ke thatta
Haun marihaum bhup dvau bhai, as kahi sanmukh phauj rengai
Yah sudhi sakal kapinha jab pai, dhae kari raghubir dohai
80.2
Chhand
धाए बिसाल कराल मर्कट भालु काल समान ते।
मानहुँ सपच्छ उड़ाहिं भूधर बृंद नाना बान ते।।
नख दसन सैल महाद्रुमायुध सबल संक न मानहीं।
जय राम रावन मत्त गज मृगराज सुजसु बखानहीं।।
Dhae bisal karal markat bhalu kal saman te
Manahun sapachchha urahin bhudhar brind nana ban te
Nakh dasan sail mahadrumayudh sabal sank na manahin
Jay ram ravan matta gaj mrigaraj sujasu bakhanahin
80.3
Doha/soratha
दुहु दिसि जय जयकार करि निज निज जोरी जानि।
भिरे बीर इत रामहि उत रावनहि बखानि ॥79॥
Duhu disi jay jayakar kari nij nij jori jani
Bhire bir it ramahi ut ravanahi bakhani