UtshovDoha 79
79.1
Chaupai
तिन्हहि ग्यान उपदेसा रावन। आपुन मंद कथा सुभ पावन।।
पर उपदेस कुसल बहुतेरे। जे आचरहिं ते नर न घनेरे।।
निसा सिरानि भयउ भिनुसारा। लगे भालु कपि चारिहुँ द्वारा।।
सुभट बोलाइ दसानन बोला। रन सन्मुख जा कर मन डोला।।
सो अबहीं बरु जाउ पराई। संजुग बिमुख भएँ न भलाई।।
निज भुज बल मैं बयरु बढ़ावा। देहउँ उतरु जो रिपु चढ़ि आवा।।
अस कहि मरुत बेग रथ साजा। बाजे सकल जुझाऊ बाजा।।
चले बीर सब अतुलित बली। जनु कज्जल कै आँधी चली।।
असगुन अमित होहिं तेहि काला। गनइ न भुजबल गर्ब बिसाला।।
Tinhahi gyan upadesa ravan, apun mand katha subh pavan
Par upades kusal bahutere, je acharahin te nar na ghanere
Nisa sirani bhayau bhinusara, lage bhalu kapi charihun dvara
Subhat bolai dasanan bola, ran sanmukh ja kar man dola
So abahin baru jau parai, sanjug bimukh bhaem na bhalai
Nij bhuj bal main bayaru barhava, dehaum utaru jo ripu charhi ava
As kahi marut beg rath saja, baje sakal jujhau baja
Chale bir sab atulit bali, janu kajjal kai andhi chali
Asagun amit hohin tehi kala, ganai na bhujabal garba bisala
79.2
Chhand
अति गर्ब गनइ न सगुन असगुन स्त्रवहिं आयुध हाथ ते।
भट गिरत रथ ते बाजि गज चिक्करत भाजहिं साथ ते।।
गोमाय गीध कराल खर रव स्वान बोलहिं अति घने।
जनु कालदूत उलूक बोलहिं बचन परम भयावने।।
Ati garba ganai na sagun asagun stravahin ayudh hath te
Bhat girat rath te baji gaj chikkarat bhajahin sath te
Gomaya gidh karal khar rav svan bolahin ati ghane
Janu kaladut uluk bolahin bachan param bhayavane
79.3
Doha/soratha
ताहि कि संपति सगुन सुभ सपनेहुँ मन बिश्राम।
भूत द्रोह रत मोहबस राम बिमुख रति काम ॥78॥
Tahi ki sampati sagun subh sapanehun man bishram
Bhut droh rat mohabas ram bimukh rati kam