UtshovDoha 78
78.1
Chaupai
बिनु प्रयास हनुमान उठायो। लंका द्वार राखि पुनि आयो।।
तासु मरन सुनि सुर गंधर्बा। चढ़ि बिमान आए नभ सर्बा।।
बरषि सुमन दुंदुभीं बजावहिं। श्रीरघुनाथ बिमल जसु गावहिं।।
जय अनंत जय जगदाधारा। तुम्ह प्रभु सब देवन्हि निस्तारा।।
अस्तुति करि सुर सिद्ध सिधाए। लछिमन कृपासिन्धु पहिं आए।।
सुत बध सुना दसानन जबहीं। मुरुछित भयउ परेउ महि तबहीं।।
मंदोदरी रुदन कर भारी। उर ताड़न बहु भाँति पुकारी।।
नगर लोग सब ब्याकुल सोचा। सकल कहहिं दसकंधर पोचा।।
Binu prayas hanuman uthayo, lanka dvar rakhi puni ayo
Tasu maran suni sur gandharba, charhi biman ae nabh sarba
Barashi suman dundubhin bajavahin, shriraghunath bimal jasu gavahin
Jay anant jay jagadadhara, tumha prabhu sab devanhi nistara
Astuti kari sur siddha sidhae, lachhiman kripasindhu pahin ae
Sut badh suna dasanan jabahin, muruchhit bhayau pareu mahi tabahin
Mandodari rudan kar bhari, ur taran bahu bhanti pukari
Nagar log sab byakul socha, sakal kahahin dasakandhar pocha
78.2
Doha/soratha
तब दसकंठ बिबिध बिधि समुझाईं सब नारि।
नस्वर रूप जगत सब देखहु हृदयँ बिचारि ॥77॥
Tab dasakanth bibidh bidhi samujhaim sab nari
Nasvar rup jagat sab dekhahu hridayam bichari