UtshovDoha 77
77.1
Chaupai
जाइ कपिन्ह सो देखा बैसा। आहुति देत रुधिर अरु भैंसा।।
कीन्ह कपिन्ह सब जग्य बिधंसा। जब न उठइ तब करहिं प्रसंसा।।
तदपि न उठइ धरेन्हि कच जाई। लातन्हि हति हति चले पराई।।
लै त्रिसुल धावा कपि भागे। आए जहँ रामानुज आगे।।
आवा परम क्रोध कर मारा। गर्ज घोर रव बारहिं बारा।।
कोपि मरुतसुत अंगद धाए। हति त्रिसूल उर धरनि गिराए।।
प्रभु कहँ छाँड़ेसि सूल प्रचंडा। सर हति कृत अनंत जुग खंडा।।
उठि बहोरि मारुति जुबराजा। हतहिं कोपि तेहि घाउ न बाजा।।
फिरे बीर रिपु मरइ न मारा। तब धावा करि घोर चिकारा।।
आवत देखि क्रुद्ध जनु काला। लछिमन छाड़े बिसिख कराला।।
देखेसि आवत पबि सम बाना। तुरत भयउ खल अंतरधाना।।
बिबिध बेष धरि करइ लराई। कबहुँक प्रगट कबहुँ दुरि जाई।।
देखि अजय रिपु डरपे कीसा। परम क्रुद्ध तब भयउ अहीसा।।
लछिमन मन अस मंत्र दृढ़ावा। एहि पापिहि मैं बहुत खेलावा।।
सुमिरि कोसलाधीस प्रतापा। सर संधान कीन्ह करि दापा।।
छाड़ा बान माझ उर लागा। मरती बार कपटु सब त्यागा।।
Jai kapinha so dekha baisa, ahuti det rudhir aru bhainsa
Kinha kapinha sab jagya bidhansa, jab na uthai tab karahin prasansa
Tadapi na uthai dharenhi kach jai, latanhi hati hati chale parai
Lai trisul dhava kapi bhage, ae jaham ramanuj age
Ava param krodh kar mara, garja ghor rav barahin bara
Kopi marutasut angad dhae, hati trisul ur dharani girae
Prabhu kaham chhanresi sul prachanda, sar hati krit anant jug khanda
Uthi bahori maruti jubaraja, hatahin kopi tehi ghau na baja
Phire bir ripu marai na mara, tab dhava kari ghor chikara
Avat dekhi kruddha janu kala, lachhiman chhare bisikh karala
Dekhesi avat pabi sam bana, turat bhayau khal antaradhana
Bibidh besh dhari karai larai, kabahunk pragat kabahun duri jai
Dekhi ajay ripu darape kisa, param kruddha tab bhayau ahisa
Lachhiman man as mantra drirhava, ehi papihi main bahut khelava
Sumiri kosaladhis pratapa, sar sandhan kinha kari dapa
Chhara ban majh ur laga, marati bar kapatu sab tyaga
77.2
Doha/soratha
रामानुज कहँ रामु कहँ अस कहि छाँड़ेसि प्रान।
धन्य धन्य तव जननी कह अंगद हनुमान ॥76॥
Ramanuj kaham ramu kaham as kahi chhanresi pran
Dhanya dhanya tav janani kah angad hanuman