UtshovDoha 76
76.1
Chaupai
मेघनाद के मुरछा जागी। पितहि बिलोकि लाज अति लागी।।
तुरत गयउ गिरिबर कंदरा। करौं अजय मख अस मन धरा।।
इहाँ बिभीषन मंत्र बिचारा। सुनहु नाथ बल अतुल उदारा।।
मेघनाद मख करइ अपावन। खल मायावी देव सतावन।।
जौं प्रभु सिद्ध होइ सो पाइहि। नाथ बेगि पुनि जीति न जाइहि।।
सुनि रघुपति अतिसय सुख माना। बोले अंगदादि कपि नाना।।
लछिमन संग जाहु सब भाई। करहु बिधंस जग्य कर जाई।।
तुम्ह लछिमन मारेहु रन ओही। देखि सभय सुर दुख अति मोही।।
मारेहु तेहि बल बुद्धि उपाई। जेहिं छीजै निसिचर सुनु भाई।।
जामवंत सुग्रीव बिभीषन। सेन समेत रहेहु तीनिउ जन।।
जब रघुबीर दीन्हि अनुसासन। कटि निषंग कसि साजि सरासन।।
प्रभु प्रताप उर धरि रनधीरा। बोले घन इव गिरा गँभीरा।।
जौं तेहि आजु बधें बिनु आवौं। तौ रघुपति सेवक न कहावौं।।
जौं सत संकर करहिं सहाई। तदपि हतउँ रघुबीर दोहाई।।
Meghanad ke murachha jagi, pitahi biloki laj ati lagi
Turat gayau giribar kandara, karaun ajay makh as man dhara
Ihan bibhishan mantra bichara, sunahu nath bal atul udara
Meghanad makh karai apavan, khal mayavi dev satavan
Jaun prabhu siddha hoi so paihi, nath begi puni jiti na jaihi
Suni raghupati atisay sukh mana, bole angadadi kapi nana
Lachhiman sang jahu sab bhai, karahu bidhans jagya kar jai
Tumha lachhiman marehu ran ohi, dekhi sabhay sur dukh ati mohi
Marehu tehi bal buddhi upai, jehin chhijai nisichar sunu bhai
Jamavant sugriv bibhishan, sen samet rahehu tiniu jan
Jab raghubir dinhi anusasan, kati nishang kasi saji sarasan
Prabhu pratap ur dhari ranadhira, bole ghan iv gira gambhira
Jaun tehi aju badhen binu avaun, tau raghupati sevak na kahavaun
Jaun sat sankar karahin sahai, tadapi hataum raghubir dohai
76.2
Doha/soratha
रघुपति चरन नाइ सिरु चलेउ तुरंत अनंत।
अंगद नील मयंद नल संग सुभट हनुमंत ॥75॥
Raghupati charan nai siru chaleu turant anant
Angad nil mayand nal sang subhat hanumant