UtshovDoha 75
75.1
Chaupai
चरित राम के सगुन भवानी। तर्कि न जाहिं बुद्धि बल बानी।।
अस बिचारि जे तग्य बिरागी। रामहि भजहिं तर्क सब त्यागी।।
ब्याकुल कटकु कीन्ह घननादा। पुनि भा प्रगट कहइ दुर्बादा।।
जामवंत कह खल रहु ठाढ़ा। सुनि करि ताहि क्रोध अति बाढ़ा।।
बूढ़ जानि सठ छाँड़ेउँ तोही। लागेसि अधम पचारै मोही।।
अस कहि तरल त्रिसूल चलायो। जामवंत कर गहि सोइ धायो।।
मारिसि मेघनाद कै छाती। परा भूमि घुर्मित सुरघाती।।
पुनि रिसान गहि चरन फिरायौ। महि पछारि निज बल देखरायो।।
बर प्रसाद सो मरइ न मारा। तब गहि पद लंका पर डारा।।
इहाँ देवरिषि गरुड़ पठायो। राम समीप सपदि सो आयो।।
Charit ram ke sagun bhavani, tarki na jahin buddhi bal bani
As bichari je tagya biragi, ramahi bhajahin tarka sab tyagi
Byakul kataku kinha ghananada, puni bha pragat kahai durbada
Jamavant kah khal rahu tharha, suni kari tahi krodh ati barha
Burh jani sath chhanreum tohi, lagesi adham pacharai mohi
As kahi taral trisul chalayo, jamavant kar gahi soi dhayo
Marisi meghanad kai chhati, para bhumi ghurmit suraghati
Puni risan gahi charan phirayau, mahi pachhari nij bal dekharayo
Bar prasad so marai na mara, tab gahi pad lanka par dara
Ihan devarishi garur pathayo, ram samip sapadi so ayo
75.2
Doha/soratha
खगपति सब धरि खाए माया नाग बरूथ।
माया बिगत भए सब हरषे बानर जूथ। 74(क)।।
गहि गिरि पादप उपल नख धाए कीस रिसाइ।
चले तमीचर बिकलतर गढ़ पर चढ़े पराइ ॥74(ख)॥
Khagapati sab dhari khae maya nag baruth
Maya bigat bhae sab harashe banar juth, 74(ka)
Gahi giri padap upal nakh dhae kis risai
Chale tamichar bikalatar garh par charhe parai, 74(kh)