UtshovDoha 74
74.1
Chaupai
सक्ति सूल तरवारि कृपाना। अस्त्र सस्त्र कुलिसायुध नाना।।
डारह परसु परिघ पाषाना। लागेउ बृष्टि करै बहु बाना।।
दस दिसि रहे बान नभ छाई। मानहुँ मघा मेघ झरि लाई।।
धरु धरु मारु सुनिअ धुनि काना। जो मारइ तेहि कोउ न जाना।।
गहि गिरि तरु अकास कपि धावहिं। देखहि तेहि न दुखित फिरि आवहिं।।
अवघट घाट बाट गिरि कंदर। माया बल कीन्हेसि सर पंजर।।
जाहिं कहाँ ब्याकुल भए बंदर। सुरपति बंदि परे जनु मंदर।।
मारुतसुत अंगद नल नीला। कीन्हेसि बिकल सकल बलसीला।।
पुनि लछिमन सुग्रीव बिभीषन। सरन्हि मारि कीन्हेसि जर्जर तन।।
पुनि रघुपति सैं जूझे लागा। सर छाँड़इ होइ लागहिं नागा।।
ब्याल पास बस भए खरारी। स्वबस अनंत एक अबिकारी।।
नट इव कपट चरित कर नाना। सदा स्वतंत्र एक भगवाना।।
रन सोभा लगि प्रभुहिं बँधायो। नागपास देवन्ह भय पायो।।
Sakti sul taravari kripana, astra sastra kulisayudh nana
Darah parasu parigh pashana, lageu brishti karai bahu bana
Das disi rahe ban nabh chhai, manahun magha megh jhari lai
Dharu dharu maru sunia dhuni kana, jo marai tehi kou na jana
Gahi giri taru akas kapi dhavahin, dekhahi tehi na dukhit phiri avahin
Avaghat ghat bat giri kandar, maya bal kinhesi sar panjar
Jahin kahan byakul bhae bandar, surapati bandi pare janu mandar
Marutasut angad nal nila, kinhesi bikal sakal balasila
Puni lachhiman sugriv bibhishan, saranhi mari kinhesi jarjar tan
Puni raghupati sain jujhe laga, sar chhanrai hoi lagahin naga
Byal pas bas bhae kharari, svabas anant ek abikari
Nat iv kapat charit kar nana, sada svatantra ek bhagavana
Ran sobha lagi prabhuhin bandhayo, nagapas devanha bhay payo
74.2
Doha/soratha
गिरिजा जासु नाम जपि मुनि काटहिं भव पास।
सो कि बंध तर आवइ ब्यापक बिस्व निवास ॥73॥
Girija jasu nam japi muni katahin bhav pas
So ki bandh tar avai byapak bisva nivas