UtshovDoha 66
66.1
Chaupai
बंधु बचन सुनि चला बिभीषन। आयउ जहँ त्रैलोक बिभूषन।।
नाथ भूधराकार सरीरा। कुंभकरन आवत रनधीरा।।
एतना कपिन्ह सुना जब काना। किलकिलाइ धाए बलवाना।।
लिए उठाइ बिटप अरु भूधर। कटकटाइ डारहिं ता ऊपर।।
कोटि कोटि गिरि सिखर प्रहारा। करहिं भालु कपि एक एक बारा।।
मुर् यो न मन तनु टर् यो न टार् यो। जिमि गज अर्क फलनि को मार्यो।।
तब मारुतसुत मुठिका हन्यो। पर् यो धरनि ब्याकुल सिर धुन्यो।।
पुनि उठि तेहिं मारेउ हनुमंता। घुर्मित भूतल परेउ तुरंता।।
पुनि नल नीलहि अवनि पछारेसि। जहँ तहँ पटकि पटकि भट डारेसि।।
चली बलीमुख सेन पराई। अति भय त्रसित न कोउ समुहाई।।
Bandhu bachan suni chala bibhishan, ayau jaham trailok bibhushan
Nath bhudharakar sarira, kumbhakaran avat ranadhira
Etana kapinha suna jab kana, kilakilai dhae balavana
Lie uthai bitap aru bhudhar, katakatai darahin ta upar
Koti koti giri sikhar prahara, karahin bhalu kapi ek ek bara
Mur yo na man tanu tar yo na tar yo, jimi gaj arka phalani ko maryo
Tab marutasut muthika hanyo, par yo dharani byakul sir dhunyo
Puni uthi tehin mareu hanumanta, ghurmit bhutal pareu turanta
Puni nal nilahi avani pachharesi, jaham taham pataki pataki bhat daresi
Chali balimukh sen parai, ati bhay trasit na kou samuhai
66.2
Doha/soratha
अंगदादि कपि मुरुछित करि समेत सुग्रीव।
काँख दाबि कपिराज कहुँ चला अमित बल सींव ॥65॥
Angadadi kapi muruchhit kari samet sugriv
Kankh dabi kapiraj kahun chala amit bal sinv