UtshovDoha 65
65.1
Chaupai
महिष खाइ करि मदिरा पाना। गर्जा बज्राघात समाना।।
कुंभकरन दुर्मद रन रंगा। चला दुर्ग तजि सेन न संगा।।
देखि बिभीषनु आगें आयउ। परेउ चरन निज नाम सुनायउ।।
अनुज उठाइ हृदयँ तेहि लायो। रघुपति भक्त जानि मन भायो।।
तात लात रावन मोहि मारा। कहत परम हित मंत्र बिचारा।।
तेहिं गलानि रघुपति पहिं आयउँ। देखि दीन प्रभु के मन भायउँ।।
सुनु सुत भयउ कालबस रावन। सो कि मान अब परम सिखावन।।
धन्य धन्य तैं धन्य बिभीषन। भयहु तात निसिचर कुल भूषन।।
बंधु बंस तैं कीन्ह उजागर। भजेहु राम सोभा सुख सागर।।
Mahish khai kari madira pana, garja bajraghat samana
Kumbhakaran durmad ran ranga, chala durga taji sen na sanga
Dekhi bibhishanu agen ayau, pareu charan nij nam sunayau
Anuj uthai hridayam tehi layo, raghupati bhakta jani man bhayo
Tat lat ravan mohi mara, kahat param hit mantra bichara
Tehin galani raghupati pahin ayaum, dekhi din prabhu ke man bhayaum
Sunu sut bhayau kalabas ravan, so ki man ab param sikhavan
Dhanya dhanya tain dhanya bibhishan, bhayahu tat nisichar kul bhushan
Bandhu bans tain kinha ujagar, bhajehu ram sobha sukh sagar
65.2
Doha/soratha
बचन कर्म मन कपट तजि भजेहु राम रनधीर।
जाहु न निज पर सूझ मोहि भयउँ कालबस बीर। 64।।
Bachan karma man kapat taji bhajehu ram ranadhir
Jahu na nij par sujh mohi bhayaum kalabas bir