UtshovDoha 64
64.1
Chaupai
भल न कीन्ह तैं निसिचर नाहा। अब मोहि आइ जगाएहि काहा।।
अजहूँ तात त्यागि अभिमाना। भजहु राम होइहि कल्याना।।
हैं दससीस मनुज रघुनायक। जाके हनूमान से पायक।।
अहह बंधु तैं कीन्हि खोटाई। प्रथमहिं मोहि न सुनाएहि आई।।
कीन्हेहु प्रभू बिरोध तेहि देवक। सिव बिरंचि सुर जाके सेवक।।
नारद मुनि मोहि ग्यान जो कहा। कहतेउँ तोहि समय निरबहा।।
अब भरि अंक भेंटु मोहि भाई। लोचन सूफल करौ मैं जाई।।
स्याम गात सरसीरुह लोचन। देखौं जाइ ताप त्रय मोचन।।
Bhal na kinha tain nisichar naha, ab mohi ai jagaehi kaha
Ajahun tat tyagi abhimana, bhajahu ram hoihi kalyana
Hain dasasis manuj raghunayak, jake hanuman se payak
Ahah bandhu tain kinhi khotai, prathamahin mohi na sunaehi ai
Kinhehu prabhu birodh tehi devak, siv biranchi sur jake sevak
Narad muni mohi gyan jo kaha, kahateum tohi samay nirabaha
Ab bhari ank bhentu mohi bhai, lochan suphal karau main jai
Syam gat sarasiruh lochan, dekhaun jai tap tray mochan
64.2
Doha/soratha
राम रूप गुन सुमिरत मगन भयउ छन एक।
रावन मागेउ कोटि घट मद अरु महिष अनेक ॥63॥
Ram rup gun sumirat magan bhayau chhan ek
Ravan mageu koti ghat mad aru mahish anek