UtshovDoha 67
67.1
Chaupai
उमा करत रघुपति नरलीला। खेलत गरुड़ जिमि अहिगन मीला।।
भृकुटि भंग जो कालहि खाई। ताहि कि सोहइ ऐसि लराई।।
जग पावनि कीरति बिस्तरिहहिं। गाइ गाइ भवनिधि नर तरिहहिं।।
मुरुछा गइ मारुतसुत जागा। सुग्रीवहि तब खोजन लागा।।
सुग्रीवहु कै मुरुछा बीती। निबुक गयउ तेहि मृतक प्रतीती।।
काटेसि दसन नासिका काना। गरजि अकास चलउ तेहिं जाना।।
गहेउ चरन गहि भूमि पछारा। अति लाघवँ उठि पुनि तेहि मारा।।
पुनि आयसु प्रभु पहिं बलवाना। जयति जयति जय कृपानिधाना।।
नाक कान काटे जियँ जानी। फिरा क्रोध करि भइ मन ग्लानी।।
सहज भीम पुनि बिनु श्रुति नासा। देखत कपि दल उपजी त्रासा।।
Uma karat raghupati naralila, khelat garur jimi ahigan mila
Bhrikuti bhang jo kalahi khai, tahi ki sohai aisi larai
Jag pavani kirati bistarihahin, gai gai bhavanidhi nar tarihahin
Muruchha gai marutasut jaga, sugrivahi tab khojan laga
Sugrivahu kai muruchha biti, nibuk gayau tehi mritak pratiti
Katesi dasan nasika kana, garaji akas chalau tehin jana
Gaheu charan gahi bhumi pachhara, ati laghavam uthi puni tehi mara
Puni ayasu prabhu pahin balavana, jayati jayati jay kripanidhana
Nak kan kate jiyam jani, phira krodh kari bhai man glani
Sahaj bhim puni binu shruti nasa, dekhat kapi dal upaji trasa
67.2
Doha/soratha
जय जय जय रघुबंस मनि धाए कपि दै हूह।
एकहि बार तासु पर छाड़ेन्हि गिरि तरु जूह ॥66॥
Jay jay jay raghubans mani dhae kapi dai huh
Ekahi bar tasu par chharenhi giri taru juh