UtshovDoha 36
36.1
Chaupai
कपि बल देखि सकल हियँ हारे। उठा आपु कपि कें परचारे।।
गहत चरन कह बालिकुमारा। मम पद गहें न तोर उबारा।।
गहसि न राम चरन सठ जाई। सुनत फिरा मन अति सकुचाई।।
भयउ तेजहत श्री सब गई। मध्य दिवस जिमि ससि सोहई।।
सिंघासन बैठेउ सिर नाई। मानहुँ संपति सकल गँवाई।।
जगदातमा प्रानपति रामा। तासु बिमुख किमि लह बिश्रामा।।
उमा राम की भृकुटि बिलासा। होइ बिस्व पुनि पावइ नासा।।
तृन ते कुलिस कुलिस तृन करई। तासु दूत पन कहु किमि टरई।।
पुनि कपि कही नीति बिधि नाना। मान न ताहि कालु निअराना।।
रिपु मद मथि प्रभु सुजसु सुनायो। यह कहि चल्यो बालि नृप जायो।।
हतौं न खेत खेलाइ खेलाई। तोहि अबहिं का करौं बड़ाई।।
प्रथमहिं तासु तनय कपि मारा। सो सुनि रावन भयउ दुखारा।।
जातुधान अंगद पन देखी। भय ब्याकुल सब भए बिसेषी।।
Kapi bal dekhi sakal hiyam hare, utha apu kapi ken parachare
Gahat charan kah balikumara, mam pad gahen na tor ubara
Gahasi na ram charan sath jai, sunat phira man ati sakuchai
Bhayau tejahat shri sab gai, madhya divas jimi sasi sohai
Singhasan baitheu sir nai, manahun sampati sakal ganvai
Jagadatama pranapati rama, tasu bimukh kimi lah bishrama
Uma ram ki bhrikuti bilasa, hoi bisva puni pavai nasa
Trin te kulis kulis trin karai, tasu dut pan kahu kimi tarai
Puni kapi kahi niti bidhi nana, man na tahi kalu niarana
Ripu mad mathi prabhu sujasu sunayo, yah kahi chalyo bali nrip jayo
Hataun na khet khelai khelai, tohi abahin ka karaun barai
Prathamahin tasu tanay kapi mara, so suni ravan bhayau dukhara
Jatudhan angad pan dekhi, bhay byakul sab bhae biseshi
36.2
Doha/soratha
रिपु बल धरषि हरषि कपि बालितनय बल पुंज।
पुलक सरीर नयन जल गहे राम पद कंज ॥35(क)॥
Ripu bal dharashi harashi kapi balitanay bal punj
Pulak sarir nayan jal gahe ram pad kanj, 35(ka)
36.3
Doha/soratha
साँझ जानि दसकंधर भवन गयउ बिलखाइ।
मंदोदरी रावनहि बहुरि कहा समुझाइ।।(ख)।।
Sanjh jani dasakandhar bhavan gayau bilakhai
Mandodari ravanahi bahuri kaha samujhai, (kh)