UtshovDoha 35
35.1
Chaupai
मै तव दसन तोरिबे लायक। आयसु मोहि न दीन्ह रघुनायक।।
असि रिस होति दसउ मुख तोरौं। लंका गहि समुद्र महँ बोरौं।।
गूलरि फल समान तव लंका। बसहु मध्य तुम्ह जंतु असंका।।
मैं बानर फल खात न बारा। आयसु दीन्ह न राम उदारा।।
जुगति सुनत रावन मुसुकाई। मूढ़ सिखिहि कहँ बहुत झुठाई।।
बालि न कबहुँ गाल अस मारा। मिलि तपसिन्ह तैं भएसि लबारा।।
साँचेहुँ मैं लबार भुज बीहा। जौं न उपारिउँ तव दस जीहा।।
समुझि राम प्रताप कपि कोपा। सभा माझ पन करि पद रोपा।।
जौं मम चरन सकसि सठ टारी। फिरहिं रामु सीता मैं हारी।।
सुनहु सुभट सब कह दससीसा। पद गहि धरनि पछारहु कीसा।।
इंद्रजीत आदिक बलवाना। हरषि उठे जहँ तहँ भट नाना।।
झपटहिं करि बल बिपुल उपाई। पद न टरइ बैठहिं सिरु नाई।।
पुनि उठि झपटहीं सुर आराती। टरइ न कीस चरन एहि भाँती।।
पुरुष कुजोगी जिमि उरगारी। मोह बिटप नहिं सकहिं उपारी।।
Mai tav dasan toribe layak, ayasu mohi na dinha raghunayak
Asi ris hoti dasau mukh toraun, lanka gahi samudra maham boraun
Gulari phal saman tav lanka, basahu madhya tumha jantu asanka
Main banar phal khat na bara, ayasu dinha na ram udara
Jugati sunat ravan musukai, murh sikhihi kaham bahut jhuthai
Bali na kabahun gal as mara, mili tapasinha tain bhaesi labara
Sanchehun main labar bhuj biha, jaun na uparium tav das jiha
Samujhi ram pratap kapi kopa, sabha majh pan kari pad ropa
Jaun mam charan sakasi sath tari, phirahin ramu sita main hari
Sunahu subhat sab kah dasasisa, pad gahi dharani pachharahu kisa
Indrajit adik balavana, harashi uthe jaham taham bhat nana
Jhapatahin kari bal bipul upai, pad na tarai baithahin siru nai
Puni uthi jhapatahin sur arati, tarai na kis charan ehi bhanti
Purush kujogi jimi uragari, moh bitap nahin sakahin upari
35.2
Doha/soratha
कोटिन्ह मेघनाद सम सुभट उठे हरषाइ।
झपटहिं टरै न कपि चरन पुनि बैठहिं सिर नाइ ॥34(क)॥
Kotinha meghanad sam subhat uthe harashai
Jhapatahin tarai na kapi charan puni baithahin sir nai, 34(ka)
35.3
Doha/soratha
भूमि न छाँडत कपि चरन देखत रिपु मद भाग।।
कोटि बिघ्न ते संत कर मन जिमि नीति न त्याग ॥34(ख)॥
Bhumi na chhandat kapi charan dekhat ripu mad bhag
Koti bighna te sant kar man jimi niti na tyag, 34(kh)