UtshovDoha 34
34.1
Chaupai
एहि बिधि बेगि सूभट सब धावहु। खाहु भालु कपि जहँ जहँ पावहु।।
मर्कटहीन करहु महि जाई। जिअत धरहु तापस द्वौ भाई।।
पुनि सकोप बोलेउ जुबराजा। गाल बजावत तोहि न लाजा।।
मरु गर काटि निलज कुलघाती। बल बिलोकि बिहरति नहिं छाती।।
रे त्रिय चोर कुमारग गामी। खल मल रासि मंदमति कामी।।
सन्यपात जल्पसि दुर्बादा। भएसि कालबस खल मनुजादा।।
याको फलु पावहिगो आगें। बानर भालु चपेटन्हि लागें।।
रामु मनुज बोलत असि बानी। गिरहिं न तव रसना अभिमानी।।
गिरिहहिं रसना संसय नाहीं। सिरन्हि समेत समर महि माहीं।।
Ehi bidhi begi subhat sab dhavahu, khahu bhalu kapi jaham jaham pavahu
Markatahin karahu mahi jai, jiat dharahu tapas dvau bhai
Puni sakop boleu jubaraja, gal bajavat tohi na laja
Maru gar kati nilaj kulaghati, bal biloki biharati nahin chhati
Re triy chor kumarag gami, khal mal rasi mandamati kami
Sanyapat jalpasi durbada, bhaesi kalabas khal manujada
Yako phalu pavahigo agen, banar bhalu chapetanhi lagen
Ramu manuj bolat asi bani, girahin na tav rasana abhimani
Girihahin rasana sansay nahin, siranhi samet samar mahi mahin
34.2
Doha/soratha
सो नर क्यों दसकंध बालि बध्यो जेहिं एक सर।
बीसहुँ लोचन अंध धिग तव जन्म कुजाति जड़ ॥33(क)॥
So nar kyon dasakandh bali badhyo jehin ek sar
Bisahun lochan andh dhig tav janma kujati jar, 33(ka)
34.3
Doha/soratha
तब सोनित की प्यास तृषित राम सायक निकर।
तजउँ तोहि तेहि त्रास कटु जल्पक निसिचर अधम ॥33(ख)॥
Tab sonit ki pyas trishit ram sayak nikar
Tajaum tohi tehi tras katu jalpak nisichar adham, 33(kh)